Joango al da Urkullu Irunera, alarde parekidea babestera?
Galdera hori egin dio zuzenean Oihana Etxebarrieta EH Bilduko legebiltzarkideak lehendakariari Eusko Legebiltzarreko saioan. Urkulluren erantzuna: "Non egongo naizen ikusiko duzu eta egongo naiz egon behar naizen tokian. Norekin nagoen entzun duzu", aurretik alarde parekidea begi onez ikusten duela esan ostean.
Legebiltzarreko talde guztiei gonbidapena egiten die Alardezaleak elkarteak, ostiralean alarde parekidea babestera Irungo udaletxeko balkoira joateko. "Galdera argia da, bertara hurbiltzeko asmorik daukazu Urkullu jauna?", bota dio Etxebarrietak.
Urkulluk ez du argitu bera joango den: "Eusko Jaurlaritzak eta nik neuk alarde parekidea begi onez ikusten dugu. Esan behar dut urtero bezala, nik ordezkatzen dudan gobernuak izango duela ordezkaritza, Emakunde lehendakaritzako institutua da eta beraz goi mailako ordezkaria izango da. Orain arte berak ordezkatu du Eusko Jaurlaritza osoa. Emakundeko zuzendaria hor izango da. Berriro diot Eusko Jaurlaritza honek alarde parekidea begi onez ikusten dugu ni bertan izan ala ez".
Etxeberrietak berriro hitza hartzean adierazi dio badakiela Emakunde bertan izango dela, Arartekoa ere izaten dela, eta azken honek adierazi zuela Lehendakaria bertan izatea aurrera urratsa litzatekela. "Guk galdetzen dugu non egongo zaren: jai parekideen alde borrokan ari direnekin ala besteekin?". Berdintasun arloan egindako aurrerapsuaoak zerrendatu ditu Etxebarrietak. Irun eta Hondarribian EAJ eta PSEko alkateek jai baztertzaileari harrera ofiziala egiten diotela aurpegiratu dio, berriro ere gonbidapena eginez bertaratzera. "Zure parte hartzea aletxoa izango da, batu zaitez parekidetasunaren festara".
"Non egongo naizen ikusiko duzu eta egongo naiz egon behar naizen tokian. Norekin nagoen entzun duzu–, erantzun dio Iñigo Urkulluk–. Berdintasunean aurrera egitea gure gobernu programan dago eta gure konpromisoa da eta legealdian zehar ekimen asko egiten ditugu berdintasuna bultzatzeko".
Ikusi eztabaidaren bideoa:
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Ipar Euskal Herriko lehen Emakumeen Etxeak ateak zabalduko ditu ondoko hilabeteetan Urruñan. Ostegunean, ekainaren 27an, ukan dute sorrera finkatzeko biltzar nagusia eta horren berri eman digu Véronique de la Devèze militante feministak.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
