‘Autopista kanpora’ eskatzeko manifestazioa egingo dute Bilboko Errekalde auzoan
"41 urte autopistaren arriskuak jasaten, nahikoa da" diote Errekaldeko auzotarrek. Asteazkenean, ekainak 1, manifestazioa deitu dute 'Autopista kanpora' lelopean.
Apirilean eginiko asanbladan erabaki zuten, besteak bestek, Errekaldeko auzotarrek manifestazioa antolatzea auzoaren gainetik pasatzen den autopista zatia lehenbailehen eraits dezatela eskatzeko.
Izan ere, Bilboko Udalak eta Bizkaiko Foru Aldundiak 2006an hitzartutako hiriko sarbide berrien mapak autopistaren eraispena aurreikusten zuen Errekalden 2008-16 epealdirako. Baina, orduko agintariek emandako hitza ez dute beteko egungo agintariek "ez baita Aldundiaren lehentasuna" autopistaren eraispena Errekalden. Ermuan du jarrita lehentasuna Aldundiak, Itziar Garamendi Garraio diputatu ohiak bilera batean Autopista Kanpora plataformako kideei aitortu zienez. Egun Ekonomia Sustatzeko Bizkaiko diputatu den Imanol Pradalesek berretsi die plataformakideei proiektua aurreikusita dagoen arren, ez dagoela esaterik noiz egingo den. Plataformako kideen esanetan, "ez dute arriskatu nahi".
"2016an ez bada ez dezatela behintzat 2046an eraitsi", diote errekaldetarrek. Luzapen hori ahalik eta gehien ekiditeko "auzotarron lana erakundeak presionatzea da". Proiektua noiz, nola eta zenbateko aurrekontuarekin egingo duten zehaztea dute erronka.
Kostata, baina argitu dute auzotarrek zein erakunderi dagozkion autopistaren ardurak. Foru Aldundiaren eskumena bada eraispena eta alternatiba ematea autopistaren ibilbide zaharrari, Udalari dagokio "geratuko den zuloa antolatzea". Horregatik jo dute plataformako kideek Udalean ordezkaritza duten alderdi guztiekin hitz egitera. "Denak autopistaren kontra daude. Denek uste dute kendu beharra dagoela; noiz eta zelan, hor dago koska. Esaterako, Bilboko hurrengo HAPN-PGOUn aurreikusita dago autopista kanpora doala".
Inauguratu zenetik, 1965etik izan da "polemikoa" Errekaldetik pasatzen den autopista. Orduan ere herritarren "protestak" izan ziren. Autopistako lanek auzoko zenbait eraikinetan eragindako arrakalengatik "auzotarrak kaleratuak izan ziren eta eliza bera eraitsi zuten. Inposaketa bat izan zen autopista".
41 urteren ostean, gaur egun, oraindik orain, hainbat dira 'autopista kanpora' aldarrikatzeko arrazoiak: "Arriskua -eta ez argazki zaharretan bakarrik ikusi dugulako-, zikinkeria -balkoiak garbitzean agertzen den ore beltza-, zarata -isiltasunik ez dago Errekalden- eta auzoa zatitzen duelako -zonalde ilunak eta desatseginak sortuz-.
Autopistarekin "ohitu" diren auzotarraei "ez dela amets lortezina" esan nahi diete. 2013an sortu zen Autopista Kanpora plataformako kideen hitzetan, "hain gaude ohituta gezurra dirudiela ken diezaguketenik".
Hiru urte hauetan plataformak denetik egin du: txapak, logoak, "ezagun egin diren" kartel horiak, banderak, abesti bat, txokolatada, sinadura bilketa (3.000 bat lortu ditu)... San Silbestre lasterketaraino eman dituzten aldarrikapenak.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]