Azaroaren 25a Emakumeenganako Indarkeriaren Aurkako Nazioarteko Eguna da. Euskal Herriko Koordinadora Feministak hainbat herritan egindako elkarretaratzeetan emakumeak ausart izateaz nazkatuta daudela aldarrikatuko du.
Euskal Herriko Koordinadorak urtean zehar bakoitza bere aldetik lanean aritzen diren talde feministak batzen ditu, azaroaren 25ari begira.
Hainbat herritan egingo diren elkarretaratzeetan ondokoa izango dute leloa: Je ne veux pas me sentir courageuse, quiero sentirme libre, feminismoak aske egiten gaitu.
Koordinadoraren ustez, emakumeak eguneroko bizitzan sarri sentitzen dira ausart, baina kontua ez da ausartak izatea libre izatea baizik. Emakumeak ausart sentitzen dira estetikaren diktaduraren aurka errebelatzea erabakitzen dutenean; nagusiaren jazarpen sexualari aurre egiten diotenean, haurdunaldia borondatez etetea erabakitzen dutenean; parrandatik etxera bakarrik itzultzen direnean.
Koordinadoraren esanetan, azaroaren 25ean emakumeek ausart izateaz nazka-nazka eginda daudela adieraziko dute, eta boz gora esango dute ausartak baino askeak nahi dutela izan.
Mobilizazioak:
Azaroak 24, igandea:
- Bera: 13:00etan elkarretaratzea.
- Etxalar: 13:00etan elkarretaratzea.
- Igantzi: 12:00etan elkarretaratzea.
- Lesaka: 13:00etan elkarretaratzea.
Azaroak 25, astelehena:
- Antzuola: 19:00etan herriko plazan.
- Azpeitia: 19:30ean herriko plazan.
- Baiona: 18:00etan herriko etxearen aurrean.
- Bera: 13:00etan elkarretaratzea toki onan.
- Bilbo: 19:30ean Arriagan.
- Donibane Lohitzune: 19:00etan geltokian.
- Donostia: 19:00etan Bulebarrean.
- Gasteiz: 19:30ean Andre Mari Zuriaren plazan.
- Hazparne: 19:00etan elkarretaratzea elizako plazan.
- Igorre: 19:00etan kultur etxearen aurrean.
- Iruñea: 20:00etan Gaztelu plazan.
- Itzubaltzeta: 19:30ean Santa Eugenia enparantzan.
- Izarbeibar: 19:00etan herriko plazan.
- Oiartzun: 19:30ean herriko plazan.
- Orereta: 19:30ean zumardian.
- Pasai Antxo: 19:30ean Gure zumardian.
- Usurbil: 17:00etan murala frontoian.