Aurtengo zientzia dibulgazioko lanik onenak
Gorka Azkune Galparsoro, Josu Doncel Vicente eta Mikel Etxeberria Okariz ikertzaileak, eta Xabier Monasterio Torre kazetaria dira aurtengo sarituak. Armintxe Animazio Taldeak jaso du proiektua garatzeko beka eta M. Jesus Esteban Galarza matematikariaren ibilbidea nabarmendu zuen Merezimendu Sariak.
Guztira 60 lan aztertu dituzte aurtengoan epaimahai-kideek; parte-hartzaileen erdiak emakumezkoak izan dira, eta, beste erdiak, gizonezkoak. Maiatzaren 12an egin zen sari-banaketa Donostiako Tabakaleran, areto bete jenderen aurreko ekitaldi zaindu eta gertukoan. Hona hemen saritutako lanak, banan bana:
Dibulgazio-artikulu orokorraren saria: Gorka Azkune Galparsoro
Adimen artifizialari buruzko Intuizioaren bide ilunak argitzen artikuluak irabazi du. Azkunek (Azpeitia,1982) iaz aurkeztu zuen adimen artifizialari buruzko tesia, eta, gaur egun, DeustoTech Institutuan ari da ikertzaile, arlo berean esparruko ikerketetan sakontzen.
Egilearen doktore-tesian oinarritutako dibulgazio-artikuluaren saria: Josu Doncel Vicente
Sareen arteko komunikazioak bizkortzea: bide optimoa aurkitzen duten algoritmoak lana izan da epaimahai-kideek hautatua. Doncel (Getxo, 1985) Matematikan doktore da, eta matematika aplikatuan espezializatuta dago. Frantziako zenbait ikerketa-zentro eta unibertsitatetan lanean aritu ondoren, EHUko Matematika Aplikatua eta Estatistika Saileko irakaslea da gaur egun. Saria jasotzean oso pozik agertu zen, zer egiten duen galdetzen diotenean modu ulergarrian erantzun ezinik geratzen denez, "zientziaren eta gizartearen arteko zubiak eraikitzea beharrezkoa dela" sinetsita dagoelako.
Zientzia-kazetaritzaren arloko lanen saria: Xabier Monasterio Torre
Bilbo Hiria irratiko esataria izan da saritua, Minbizia eta beronen metastasia izeneko piezarengatik. Monasterio (Bilbo, 1959) idazlea eta
itzultzailea da. Saria jasotzean umorez azaldu zuen "uste dut epaimahai-kideak erabat okertu direla, ez bainaiz ez kazetaria eta ez zientzialaria". Bilbo Hiria irratiak galdu dituen bi kideak izan zituen gogoan saria hartzean, baita saio horren edukiak bermatu zituen Iker Badiola zientzialaria eta saioari kazetari ikuspegia gehitzen dion Jabi Zabala ere. Saio hura entzutea gomendatu zuen, alarmakerietan erori gabe zehaztasun eta errespeto handiz landu baitzuen Badiolak gaia.
NEIKER-Tecnalia saria: Mikel Etxeberria Okariz
Aurten, sari berri bat jarri dute martxan lehen sektoreari lotutako lan onenarentzat. Udara bat ardiekin, senari jarraika artikuluak bereganatu du. Etxeberria (Beasain, 1994) biologoa da, eta, gaur egun, Madrilen ari da Ekologiako Masterra ikasten. Dibulgazioan ere aritzen da, EuskalNatura
blogean idazten du 2016az geroztik.
CAF-Elhuyar Beka: Armintxe
Animazio Taldea Leioako Arte Ederretako fakultateko ikasle, ikasle ohi eta irakasleek osatzen dute, eta animazio-lanak egiten dituzte. Horren erakusgarri da “Beti bezperako koplak” film laburra (Kimuak). Saria jasotzerakoan adierazi zuten arteko esperimentazioak lotura handia duela zientziarekin eta bi alorretan intuizioa indar hartuz doala. "Armintxe 2017" proiektua izan da saritua, eta kobazuloetan antzinako gizakiek egiten zituzten grabatuekin animaziozko film labur bat egitea da asmoa.
Merezimendu Saria: Maria Jesus Esteban Galarza
Matematikari egin dion ekarpena eta unibertsitatean euskara erabiltzen aitzindari izana nabarmendu zituen, batez ere, sariak. Izan ere, berea izan zen matematikari buruz euskaraz egin zen lehen tesina. Saria jasotzean gogoan izan zituen unibertsitatean euskarazko hiztegia eta edukiak sortzen aritu zireneko urte haiek ": "EHUko sei emakumek ekin genion matematikako euskarazko hiztegia lantzeari, Elhuyarrekin elkarlanean". Talde lana izan zela eta talde haren sari gisa hartzen zuela nabarmendu zuen.
Esteban Galarza Alonsotegin (Bizkaia, 1956) jaioa da, baina urteak daramatza Parisen. EHUn lizentziatu zen Matematikan, eta aitzindari izan zen euskara erabiltzen arlo horretan. Segidan, Parisera joan zen, eta han egin zuen doktore-tesia. 1981etik, Frantziako Ikerketa Zentroko ikertzaile da, eta Europako Matematika Elkarteko Matematika Aplikatuaren Batzordeko buru izan da. Izendapen ugari jaso ditu; berriki, ICIAM Matematika Industrial eta Aplikaturako Nazioarteko Kontseiluko lehendakari izendatu dute.
Txalaparta digitala eta interaktiboa
Iazko Elhuyar beka jaso zuen Enrike Hurtado Mendietak bekari esker garatutako proiektua aurkeztu zuen: "garatutako programak aukera ematen digu txalaparta edozein ordenagailurekin inprobisatzeko". Bideoan, frogaren zati bat:
Txalaparta inprobisatzeko programaren aurkezpena, iazko @elhuyaraldizk bekarekin garatutakoa pic.twitter.com/AMavHjTTZa
— Estitxu Eizagirre (@eeizagirre) 2017(e)ko maiatzak 12
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Genero eskubideen urraketaren inguruan mintzatu gara Silvina Molina kazetariarekin. Télameko (Argentinako albiste agentzia publikoa) Generoen eta Aniztasunen ataleko editorea zen Molina, Javier Mileiren gobernuak martxoan agentzia itxi zuen arte. Kazetaritza, inklusioa... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]