Aurrera doa Getxoko Ibarbengoa metro geltokiko aparkalekua eraikitzeko proiektua
Zenbait iturriren arabera, urtarrilean abiaraziko dituzte obrak. Tosu Betirako Asanbladak salatu duenez, egun Getxon dagoen azken landa gunera "porlana eta espekulazioa” ekarriko ditu proiektuak. Elkarretaratze informatiboa egingo dute ostiralean 20:00etan Algortako Txiki Otaegi plazan.
Getxoko Ibarbengoa metro geltoki ondoan aparkalekua eraikitzeko esleipenak eginda daude dagoeneko, eta Dragados eta Geotecnia y Cimientos S.A. izango dira proiektua egingo duten enpresak. 2010ean amaitu zuten Andra Mari auzoan dagoen geltokia eraikitzen, baina sei urte igaro diren arren, oraindik ez dago erabilgarri. Horretarako, hiru solairu eta 300 plaza izango dituen aparkalekua eraiki nahi du Getxoko Udalak geltoki ondoko Tosu izeneko landan.
Proiektuak Getxoko “azken landa eremua suntsitu eta urbanizatuko” duela salatzeko, lekua okupatu zuen gazte talde batek 2011n. Tosu betirako plataformaren ustez, bestelako azpiegituren aurrekari izan daiteke aparkalekua. Izan ere, Andra Mari auzoan 8.000 etxebizitza eraikitzeko plana aurkeztu zuen Getxoko Udalak 2007an. Herritar asko horren aurka azaldu ziren, eta egindako protesten eta krisi ekonomikoaren eraginez, bertan behera gelditu zen proiektua. Plataformaren iritziz, “Getxoko lur eremu bakarra urbanizatzeko lehen harria” jarriko du aparkalekuak.
Horrez gain, hainbat mugimenduk salatu dute proiektua ez dela legezkoa, ez baita horrek ingurumenean sortuko lukeen kaltearen inguruko azterketarik egin. Hala ere, planarekin aurrera jarraitu du Getxoko Udalak, eta zenbait iturriren arabera, urtarrilean abiaraziko dituzte obrak.
Proiektua aurrera doala salatzeko eta egoeraren berri emateko elkarretaratze informatiboa deitu dute abenduaren 23an 20:00etan Algortako Txiki Otaegi plazan.
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]
Tosu Betirako plataformak, Udalaren erabakia kritikatu du. Izan ere, Getxoko Andra Mari auzoko landagunean parkinga ez ezik, “jarduera ekonomikoen parkea” egingo dutela azaldu dute. Erabakiaren aurrean, ordea, herritarrei mobilizatzeko dei egin diete plataformako... [+]
Hainbat ezezagunek Getxoko Ibarbengoako metro-parkingaren lanei eraso egin zieten joan den bariku eta zapatu arteko gauean, Ertzaintzaren arabera. Eusko Jaurlaritzak, Euskal Trenbide Sareak eta Imanol Landa Getxoko alkateak gaitzetsi dute ekintza hori. Tosu Betirakok "ez du... [+]
Ibarbengoako parkinga eraikitzeko obrak oztopatzeko "indarkeria" delitua egotzita auzipetutako hiru lagunen kasua artxibatu du epaileak, Tosu Betirako taldeak jakinarazi duenez.
Ibiltzen hasi berria da, baina esperientzia eta bizipen asko biltzen du Aman Komunak sareak, herri mugimenduko hainbat taldek eta kidek osatzen dutelako. Joan-etorriko izaera izan nahi du: bakoitzaren kolektibotik sare orokor bat aberastu, sareak tokian tokiko eguneroko lana... [+]
Gaur goizean Getxoko epaitegietan epaitu dituzten hiru ekintzaileek argi dute, "balizko kalteengatik baino, protestak zigortu gura izan dituzte epaiketa honegaz". Izan ere, azaldu dutenez, akusazioak zigor-eskaera bertan behera uzteko proposamena egin du epaiketan,... [+]
Urtarrilaren 26an, barikua, hiru lagunek deklaratu beharko dute Getxoko epaitegian, Ibarbengoako parkinga eraikitzeko obrak oztopatzeko "indarkeria" delitua egotzita.
Tosu Betirako plataformak deituta, Ibarbengoako aparkalekua eraiki gura duten landarainoko martxa egin zuten zapatuan, hilaren 16an, 200 lagun inguruk. Tosu landa ertzainez inguratuta zegoen; hala ere, lanen hasiera salatu zuten bertan herritarrek. Ondoren, hondeamakinek obren... [+]
Larunbatean Getxoko Tosu landara joango den manifestazioan parte hartzeko deia egin du Tosu Betirako asanbladak. Urriaren 21ean ingurua berriz okupatu ostean eraikitako etxolaren alboan egun dute agerraldia, buzo zuriz jantzita eta aurpegiak maskaratxoz estalita; abenduaren 16an... [+]
Getxoko Tosu landaren inguruan galdegin dio Mikel Otero Gabirondo EH Bilduko legebiltzarkideak Eusko Jaurlaritzari. Ekonomia Garapena eta Azpiegituretako Sailburuari egin dio errekerimendua, Jaurlaritzaren eta Viviendas de Vizcaya S.A. enpresaren arteko akordioa zein izan den... [+]
Hesia eraikitzeko lanetan ari dira hondeamakinak. Herritar bat lurrean etzan eta kateatu egin da. Herritarrei bertara joateko eskatu diete asanbladako kideek. Astelehenean sartu ziren berriz hondeamakinak Tosun.