Atxabiribil hondartzan agertutako balearen argazki-bilduma

Domeka goizean, 11:00ak aldera eman zuen abisua herritar batek, balea bat ikusi ei zuela itsasertzean. Deia jaso eta berehala hurreratu ziren hondartzara Ertzaintza eta Ambar, itsas fauna kontserbatzeko elkartea; hala ere, ezin izan zuten ezer egin animalia salbatzeko, larriki zaurituta baitzegoen.

Balea Atxabiribil hondartzan. Argazkia: hiruka.eus.

Sopelako eta inguruetako herritar asko erakarri zituen animaliaren agerpenak, eta egun osoan zehar ehunka lagunek Atxabiribilera jo zuten 18 metroko eta 20 tonako animalia hurbiletik ikusteko. Hodei Torres gure argazkilariak bertan ateratako irudi onenen bilduma duzue helbide honetan.

Argazki bilduma Hiruka.eus-ek argitaratu du eta Creative Commons lizentziari esker ekarri dugu hona.