Asturiagako segadan hildako gazteak omenduko dituzte larunbatean Hondarribian
1974ko maiatzaren 20an, Espainiako Guardia Zibilak antolatutako segada batean, Jose Luis Mondragon eta Xabier Roque Mendez gazteak hil zituzten, Hondarribiko Asturiagako hondartzan. Ez zen ikerketarik ez epaiketarik egon. Gertakariak argitara ateratzeko Asturiaga 1974 memoria taldea sortu dute, eta maiatzaren 20an omenaldia egingo dute.
“Hondarribiko jendeak badaki zerbait egon zela, baina oso jende gutxik hitz egin du gertatutakoaz”, adierazi du Xabier Bengoetxea Asturiaga 1974 plataformako kideak.
Garaiko prentsak dioenez, Jose Luis Mondragon Moriko, 27 urteko arrasatearra, eta Xabier Roque Mendez Poeta, 21 urteko santurtziarra, motordun txalupa batean iritsi ziren Hondarribira. Beste pertsona bat zihoan haiekin: Jesus Arrondo Martin Kokoliso, polizia infiltratua. Asturiagako hondartzan lehorreratu ziren, baina iritsi zirenerako, lekua guardia zibilez beteta zegoen. Itsasertzetik hamabi bat metrotara hil zituzten, tiroz. Kokoliso poliziak, ordea, alde egin zuen.
Gertakariak ahanzturatik ateratzeko asmoz, Asturiaga 1974 plataforma sortu dute Hondarribian. “Gure lehentasuna da kasua argitara ekartzea, jendeak gertatutakoa jakin dezan; ez gara peskizatan ibiliko gertatutakoaren inguruan”, adierazi du Xabier Bengoetxeak. Bibliografia arakatu dute eta garaiko prentsako aipamenak aurkitu dituzte, baita Moriko eta Poeta ezagutu zituzten pertsonen testigantzak ere, Txillardegi, kasu.
Herrian harrera ona izan du egitasmoak, baita bi gazteen senideen artean ere. Memoria taldea martxan jarri zutenean haiengana jo zutela eta proposamena ondo hartu zutela kontatu du Bengoetxeak. Oraindik mina eta bakardadea sentitzen dutela ziurtatu du. “Historia hori 74an gertatu zen, eta hor geratu dela dirudi”, gaineratu du.
Maiatzaren 20an 43 urte beteko dira Asturiagako gertakarietatik. Memoria taldea bideo bat zabaltzen ari da sare sozialetan eta larunbatean lore eskaintza egingo dute Asturiagako hondartzan.
Bideoa:
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]
86 urte bete dira asteazkenean Iruñean 795 preso errepublikarrek Europako ihesaldi handiena egin zutela. Aldiz, abantzu 800 iheslari horietarik bakarrik hiruk erdietsi zuten muga trabeskatzea.
Memoria eta Bizikidetzako, Kanpo Ekintza eta Euskarako Batzordeak atzera bota du UPNk aurkeztutako mozioa, 1936ko Gerran Errepublikaren kontrolpean zeuden lurraldeetan izandako biktimak Oroibidea memoriaren datu-basean sartzea eskatzen zuena. Mozioak PP eta Voxen babesa jaso du,... [+]
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]