Larunbateko bortxaketaren aurrean Iruñea ez da isilik geratu
22 urteko emakume batek salatu du indarrez etxera eraman eta bortxatu egin dutela Iruñean. Ustezko erasotzailea atxilotu eta espetxeratu egin dute.
Erasoa salatzeko deia egin dute Udaleko talde guztiek baita talde feminista batzuek ere, Berriak argitaratu duenez. Elkarretaratzea egin dute astearte eguerdian udaletxearen atarian (argazkia: Berria).
Hiltzeko mehatxupean bortxatua
Larunbat goizean jarri zuen salaketa emakumeak. Poliziei azaldu dienez, ezustean eraso zion gizonak 06:00ak aldera hiltzeko mehatxupean.
Ondoren, bere etxera joanarazi zion oinutsik, andrea bizi den lekutik 400 bat metrora (Ermitagaña auzora).
Bertan, behin eta berriro eraso zion eta bortxatu egin zuen. Ordu batzuk igarota, emakumea bizi den etxera eraman zuen erasotzaileak, eta eraso egin zion han berriz.
28 urteko gizona da ustezko erasotzailea eta aurrekariak ditu “idarkeria delituengatik”, nahiz eta, ez den zehaztu horien artean emakumeen aurkako indarkeria kasurik ote dagoen.
“Ez da kasu bakartua”
Iruñeko Bilgune Feministaren hitzetan, asteburuan Iruñean gertatutako erasoa "ez da kasu bakartua", haren ustez “gizarte arazo baten ondorio zuzena da".
Bilgune Feministaren iritziz, indarkeria matxistaren oinarrian badaude beste zenbait indarkeria mota hain erraz antzematen ez direnak eta ohartarazi dute horien artean honako jokabideak daudela: “Jazarpenak, onarpenik gabeko sexu harremanak, indarkeria psikologikoa, txantaje emozionala, kontrola…”.
Iruñeko Bilgune Feministak “egunero egunero” indarkeria ororen aurka borrokatzera deitu du.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.