Aste Gorria egingo dute otsailaren 27tik martxoaren 3ra, Gasteizko ikasle mugimenduak deituta
1976ko martxoaren 3aren oroimen historikoa bultzatu nahi dute ekimenarekin. Unibertsitate, lanbide heziketa eta ertainetako ikasleek elkarlanean prestatu dute egitaraua, eta martxoan LOMCEren aurkako grebara ere deitu dute.
1976ko martxoaren 3an Gasteizen gertaturiko istilu eta heriotzen oroimen historikoa mantentzeko Aste Gorria egingo dute Gasteizko ikasle mugimendukoek antolatua, otsailaren 27tik martxoaren 3ra. "Klase ikuspegia duen" formakuntza sustatu nahiko lukete egitarauaren bidez.
Bestalde, martxoan ikasle greba egitera dei egin dute ikasle mugimenduko kideek.
Ikasle mugimenduaren oharra eta egitaraua:
Irakurketarekin hasi aurretik, Gasteizko ikasle mugimenduaren izenean, herenegun gauean San Mameseko unibertsitatean herri unibertsitatea burutzen hari zirela desalojatu eta identifikatu zituzten ikasleei elkartasuna! EHU burgesiaren morroi!
Besterik gabe, Gasteizko ikasleok honako kontu hauen berri emateko bildu gara gaur: Ikasle mugimendu desberdinak batu egin garela, eta hurrengo astean komunean antolaturiko lehenengo plangintza eramango dugula aurrera.
Jasaten ditugun zapalkuntza anitzei aurre egitera bidean pausu beharrezkoa zen Gasteizko ikasleon batura. Horregatik, Unibertsitateetako, Lanbide Heziketa zentroetako eta Institutu desberdinetako ikasle mugimenduak batu gara, egoerari erantzun bateratu bat emateko asmoz. Hurrengo hilabeteetan zenbait mobilizazio aurrera eramatea da helburua.
Horietako lehena da gaur prentsaurreko honen bidez aurkeztu nahi duguna: Otsailaren 27tik Martxoaren 3ra luzatuko den ASTE GORRIA. 1976ko Martxoak 3ko gertakizunen memoriaren harira, aste osoan zehar klase ikuspegia oinarri duen formakuntza sustatu nahi dugu ikasleriaren artean. Ikasleok, langile klaseko parte garen heinean klase kontzientziaren beharraz jakitun gara, horrez gain kontzientzia hori gure artean antolaturik aurrera eraman beharra dugula ere badakigu. Lehen eskutik baitakigu lan hori zailtzeko helburua duen, hezkuntza sistema honek, ideologia burgesaz alienatzen gaituela une oro. Horretarako, Gasteizko ikastetxetan zenbait hitzaldi eta proiekzio bermatu ditugu, eta Martxoaren 1an Eskola Gorria deitu dugu Auzolana Pilotalekuan. ASTE GORRIAk Martxoaren 3an bertan izango du amaiera, 1976ko gertakizunen ondorioz hildako langileak omentzeko prestatu dugun Ekitaldian. Hau goizeko 11etan izango da Gasteizko unibertsitateetan.
Bestalde, esan behar da, beste ekimen bateratu bezala martxoko greba izango dugula. Aurten gainera langile klasearentzat urte berezia dela ikusita (LOMCE-ren aplikazioaren urtea delako) ikasle batasunez arazo honi lehentasunez erantzun behar diogula irduditzen zaigu, honek aurrera begira ondorio larriagoak ekarriko baitio langile klaseari. Beraz, epe luzeko helburua zein den garbi izanda (herritik eta herriarentzako hezkuntza), martxoan kaleak erreforma burges honen aurka bete beharra ditugula ikusten dugu.
Hau dena esanda, ikasleriari ASTE GORRIko ekintza desberdinetan eta martxoko greban parte hartzeko deialdia egin nahi diogu, soilik gure indarrak batuz lortuko baitugu oroimenetik garaipenera igarotzea.
Gora Ikasle Mugimendua! Gora ikasle eta langile borroka!
Albiste hau Topatuk argitaratu du eta CC-by-sa lizentziari esker ekarri dugu ARGIAra
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Espainiako Gobernuaren unibertsitate lege berrian Euskal Filologia ezagutza arlo gisa Filologia Hispanikoen barruan jartzeko plana publiko egin zuenean, kontra agertu ziren hainbat banako eta kolektibo, horien artean Euskal Herriko Unibertsitatea bera.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.