Aske utzi dituzte Altsasun atxilotutako bi gazteak
Larunbat goizaldean atxilotutako bi gazteak aske gelditu dira epailearen aurretik pasa ostean. Guardia Zibilak zortzi pertsona gehiago identifikatu zituen atzo, liskarrarekin zerikusirik dutelakoan.
Bi guardia zibilak eta euren bikotekideak jipoitzea egotzita, bi gazte atxilotu zituzten larunbatean Altsasun. Gertatutakoaren inguruan, bestalde, bertsio ezberdinak daude. Guardia zibilek azaldutakoaren arabera, zerbitzutik kanpo zeuden Altsasuko taberna batean, 45 pertsona inguruk eraso egin zietenean. Goizaldeko 5ak aldera gertatu zen liskarra, eta guardia zibiletako bati ebakuntza egin behar izan zioten orkatilean.
Nafarroako Gobernuak irmo gaitzetsi du “guardia zibilek eta euren bikotekideek jasandako erasoa”. Mariano Rajoyk ere elkartasuna adierazi die guardia zibilei, “zigorgabetasunik egongo ez dela” azalduz. Altsasuko Ospa Mugimenduak, aldiz, Guardia Zibilaren jarrera gaitzetsi eta ondorengoa adierazi du komunikatu baten bidez:
“Atzokoa ez zen egoera isolatu bat izan, berriro ere bi guardia zibil, berriz mozkor, berriz oldarkor… beste behin probokatzen eta gure eremuetan euren inpunitate legalaz harrotzen. Hasi ziren, probokatzen, hasi zituzten bultzadak eta mehatxu gogorrak "te voy a matar", "Te voy a meter un tiro entre ceja y ceja" eta segituan biolentziaren erakustaldia egin zuten, honek ekarri zuen beste guztia.
Inolaz ere ez zen egon enboskadarik, ezta manejatzen diren horda-kopuruak, herritarrak zaurituak izan ziren eta gero etorri zen okerrena:
Herria poliziz bete zen, Guardia Zibila, Foralak…(eta Foralak zer dela eta?) Ba hauek izan ziren atxiloketak burutu zituztenak, bata istiluak gertatu ez ziren beste taberna batetik ateratzen zelarik, bestea komisaldegian, hainbat herritarrekin batera atxilotutakoari elkartasuna adieraztera joan zirenean. Honez gain, bertan zeuden guztiak kolpeak jaso zituzten.”
Irakurri komunikatu osoa hemen.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
