Behean sinatzen dugun Nafarroako musika munduari lotutako eta YALA Nafarroarekin Palestina Plataformari atxikitako pertsona eta taldeok, Israelek Eurovision-en parte hartzeari gure arbuioa adierazi nahi diogu eta RTVEri exijitzen diogu EBUri Israel kanporatzeko eskatzea, eta ez bada kanporatua, Zinemalditik atera beharko luke.

Musikak ezin du genozidio bat estali.

2023ko urritik, Israelek Gazan egindako palestinar biztanleriaren sarraski basatia ikusten ari gara, eta, aldi berean, Israel, ezer gertatuko ez balitz bezala, urtero Eurovisionen parte hartzen ikusten dugu. Hainbat hamarkadetako setioa eta apartheid-a pairatzen duen populaziotik, Israelgo Armadak 28.000 pertsona baino gehiago hil ditu, horien artean 12.000 haur baino gehiago.

Israelek bizi-azpiegitura zibila suntsitu du, bizi-baldintza krudelak eragin ditu, hornidurak eta laguntza sarrera moztu ditu, eta biztanleriaren %85 ihes egitera behartu du.

Orain Gazan gertatzen ari dena Giza Eskubideen etengabeko urraketa baino askoz gehiago da, eta Hagako Justiziaren Nazioarteko Auzitegia ikerketa egiten ari da genozidio zantzuak aurkitu dituelako.

Israelgo kate publikoa Eurovision erabiltzen ari da aurpegi moderno, tolerante eta irekia erakusteko, queer publikoa konkistatzeko asmoz, eta okupazioaren basakeria ezkutatzeko. Tel Aviven bere abestia dantzatzen duten bitartean, Gazan gosea, bonbardaketen beldurra eta gaixotasuna zabaltzen dira.

Irrati-difusioko Europar Batasunak (UER) 2022an Errusia lehiaketatik kanpo utzi zuen Ukrainaren inbasioa dela eta, baina orain Israelek 2024ko Eurovision jaialdian parte hartzea baimentzeko asmoa du, lehiaketaren izaera apolitikoa argudiatuta. Neurri desberdin horrek UERen eta parte hartzen duten kateen sinesgarritasuna ahultzen du. Parte hartzaileek argudiatzen dute kateak direla, ez herrialdeak, baina Israelgo Kan kate publikoak publikoki adierazten du bere armadaren erasoekiko erabateko atxikimendua.

RTVEk formalki eskatu behar du UERen Israel jaialditik kanporatzea, ala bestela, jaialditik erretiratu. Hori egin ezean, Palestinako biztanleria zibilaren genozidioa zuritzen ariko da.

Europa osoan kultura arloko milaka artista eta profesionalek euren kate parte hartzaileei eskatu dieten moduan, geuk ere ondorengoa adierazi nahi dugu: ez dugu genozidio batekin konplizitaterik onartzen, ez dugu Israelen pinkwashing-ik onartzen. RTVEri exijitzen diogu UER-ri eskatzea Israelen kanporaketa, eta Israel kanporatu ezean, jaialditik erretiratzea.

Azkenik, Nafarroako musikari lotutako pertsona eta talde guztiei YALA Plataformaren webgunean manifestu honi atxikitzeko deia luzatzen diegu. Entzun dadila gure ahotsa eta gure musika Palestinarekin elkartasunez eta genozidioaren aurka!

Josu Castillo Tiscar (Koiuntura+arte)

Hauek ere sinatu dute: Aurora Beltrán, Peio Sagaseta, The Sorry Mountain's, Fernando Saenz de Ugarte Balza, Moisés No Duerme, Koiuntura+arte, Memo Punk, Julia Itoitz, Egieder Akordeoi Taldea, Txaranga Ziripot.