Artea merkatal guneko langileen deia gerentziari: errespetatu gure eskubideak
Leioako zentro komertzial pribatuko saltokiak lan-hitzarmena ez betetzera “animatu” ditu hango gerentziak, ELAren esanetan. Langileek bilkura egingo dute gaur, eguneroko oztopoekin amaitzea eskatzeko.
Duela 20 urte sortutako Leioako Artea merkatal gune erraldoiak “maila altuko zerbitzuak” eskaintzen ditu, baina hor lan egiten duten pertsonen asebetetzea gero eta eskasagoa dela dirudi. Asteazkenean, eguerdiko 12:30ean langileek bilkura egingo dute ELAk deituta, gerentziaren jokabidea salatzeko.
Sindikatuak azaldu duenez, gerentziak zentroko enpresei eskatu die –109 saltoki baino gehiago daude eta 2.000 langile inguru– ez dezatela sektoreko lan-hitzarmena bete. Merkatal gunea jabeen-erkidego pribatu batek kudeatzen du, eta lokalak alokairuan emateaz gain, haien etekinetatik ere edaten du.
Besteak beste, ELAren esanetan gerentziak saltokiak presionatu ditu udako sasoian larunbata arratsaldez ordu gehiagoz irekitzeko –Ehunen Merkataritzako hitzarmen kolektiboak dioenaren kontrara–, eta Eguberritako egun jakin batzuetan ere gauza bera egiteko eskatu die enpresariei.
Langileek egunerokoan gero eta oztopo gehiago dutela ere salatu dute. Parkingaren adibidea jarri dute horretarako. Langileentzako plazak egoera oso kaskarrean daude, autoek matxurak izan dituzte, lapurretak ere izan dira eta orain arteko sarbidea itxi egin diete: “Jendea oso haserre dago kontu horrekin”, azaldu dio ARGIAri Deiane Arrieta ELAko delegatuak.
Bilkurarekin, hori guztia salatzeaz gain, merkatal guneko langileen arteko batasunean urratsak eman nahi dituzte, “sektorialki oso bananduta” baitago orain.
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
Txina, duela 4.700 urte. Si-Ling-Chi printzesari zeta-har bat erori omen zitzaion te berotan eta hala deskubritu omen zuen zeta egiteko prozesua. Konfuziok jasotako kondaira honek adierazten du Txinan Antzinaroan hasi zirela zeta ekoizten eta mendetan eutsiko ziotela... [+]
200 plazako aparkaleku bat eta 8.040 metro koadroko merkataritza gunea eraikitzeko Hiri Antolamenduko Plan Berezia onartu zuen Donostiako Udalak urtarrilean. Hainbat elkartek salatu zuten proiektuak eragin negatiboa izango duela, eta "erabat legez kanpokoa" dela.
Gipuzkoako ehungintzako langileek greban jarraituko dute larunbata arte gutxienez, sektoreko hitzarmena negoziatzeko patronalak erakutsitako jarrera makurra dela-eta. Nafarroan, La Morea merkatal zentroko H&M saltokiko langileak ere greba mugagabean dira abenduaren 9az... [+]
Munduaren Hegoaldeari 152 bilioi dolar ostu dizkio Iparraldeak azken sei hamarkadatan, truke-desberdintasunagatik: herrialde pobreetan prezioak eta soldatak baxuagoak direnez, desoreka dago merkataritza balantzan. Baina egoera hori nahita sortu dute Nazioarteko Diru Funtsa... [+]
Ingalaterrako Felixstoweko portuko zamaketarien grebak hankaz gora jarri du azken hamarkadetan nagusitu den kontainer bidezko merkataritza eredua. Erresuma Batuan XX. mendean 80.000 ziren portuetan zamaketan aritzen ziren langileak, egun ez dira 10.000ra iristen, baina itsas... [+]
Joan den astelehenetik greban dira Espainiako Estatuko kamioilari ugari eta bere eragina nabaritzen hasi dira beste arlo askotan jadanik, elikadura industrian kasu. Euskal Herrian Hiruk eta Tradinsak egin dute bat grebarekin. Garraio sektoreko prekarizazioak, energia kostuen... [+]
Erakusleihoko kartel batek aurki negozio-uzteari ekingo diotela dio, dendako produktuak azkenekoz erosteko aukera abiaraziz. Dendariak esango digu erosteko dinamikak aldatuz joan direla, merkataritza-gune handien fenomenoari online salerosketen gorakada gaineratu zaienean, zaila... [+]
EHNE Bizkaia eta ENBA Bizkaia nekazal sindikatuek, Bilboko Arriaga antzoki parean ostiralean egingo den elkarretaratzera deitu dituzte nekazaritza elkarte eta koperatibak, Nekazaritzak badu etorkizuna, arduraz joka dezagun lelopean.
Errusian, Tula hiritik gertu brontzezko 140 txanpon erromatar aurkitu dituzte, Erromatar Inperioaren mugatik 1.000 kilometrora.
Hornigaien mundu mailako krisiak txip erdieroaleen eskasiarekin jo du goia. Pandemiaren behin behineko ondorio bat dela diotenen aurrean, badira uste dutenak energiaren krisi globalak azaleratutako arazoa dela honakoa. Txipak dira egungo petrolioa, eta bere gailurra gainditu... [+]
Merkatua tenkatu eta bereganatzeko Amazon zer egiteko prest dagoen –eta zer egiten duen– ba al dakigu benetan? Pentsatu al dugu kontsumo eredu horrek ekartzen dituen kalteen inguruan? Horri buruz gogoetatzeko solasaldia antolatu du Behe Bidasoako Eskubide Sozialen... [+]
Askotan esaten diote Alazne Juanizi bere filosofia bere negozioaren aurka doala. Arropa egiten du eta arropa ahalik eta gutxiena erosteko esaten digu. Erosi soilik askotan erabili behar duguna eta hori tarratatzen denean, berriro josi edo beste zerbait egiteko berrerabili... [+]