Aroztegiari buruz herri galdeketa egiteko prozesua abian jarri dute
Horretarako Baztango erroldaren %10ak sinatu behar luke eta apirilaren 1ean hasiko da sinadurak biltzen Aroztegia eta gero zer? plataforma.
Ados zaude Lekarozko Aroztegia eremuan, 228 etxebizitza, hotela, eta golf zelaia biltzen dituen egitasmo urbanistikoarekin, Bai ala Ez? Horixe izanen litzateke Aroztegia eta gero zer? Plataformak bultzatu nahi duen herri galdeketaren galdera zehatza. Martxoaren 30ean Arizkunenean egindako aurkezpenean hainbat herritarrek azaldu dutenez, «Herri galdeketa martxan paratzeko prozedura abiatu dute eta horretarako, Baztango zentsoaren %10ak sinatu beharko luke».
Sinadurak Balleko Etxeko bulegoetan bilduko dira, astean zehar ohiko ordutegian 09:00etatik 14:00 arte, eta 10:00etatik 13:00 arte larunbatetan, kopuru hau lortu arte. Herritar bakoitzak bi sinadura eman beharko ditu, bat Baztango Udalari egindako eskaera betetzeko eta bertzea Baztango Batzar Nagusiari eskatzeko. Sinaduren bilketekin, ortzirale honetan, apirilaren 1ean hasiko dira. Sinatzaileek Baztanen erroldatutako herritarrak izan behar dute.
Herri Galdeketako prozedura abiaturik, «Aroztegiarekin gertatzen ari den bidegabekeria salatzeko, UGPS/PSISa gelditzeko eta herritarren erabakitzeko eskubidea aldarrikatzeko», Plataformak datorren apirilaren 23an Elizondon arratsaldeko 5etan eginen den manifestazioan parte hartzerat ere deitu ditu herritar guztiak.
www.aroztegiaetagerozer.eus web orrialdean manifestaziorako atxikimendua ematen ahal da.
«Erabaki politikoan gibelerat egitea»
Aroztegia...eta gero zer? Plataformak, bere sorreratik, hiru helburu nagusi izan dituela aipatu du aurkezpenean, «proiektu urbanistiko-espekulatzailea gelditzea, gaiari buruz herri eztabaida abiatzea eta erabaki kolektiboak errespetatzea».
Horretaz gain, proiektu honek, Lekarozi, Baztani eta landa eremuari orokorrean ekarriko lizkiokeen kalteak ere nabarmendu ditu behin eta berriz. «Inongo justifikazio sozialik eta Baztango udal planetik kanpo eraiki nahi diren 228 etxebizitzek (342 biztanle dituen herri batean), Lekarozi zein Baztani lurraldearen desegituraketa nabarmena ekarriko liokete» dio Plataformak. «Proiektu hau aitzin ateratzeko, enpresa pribatu bati baztandar guztien herri lurrak, zein herriko nekazarien lur pribatuak bereganatzeko eskubidea eman nahi zaio. Espekulazioan eta bezerokerian oinarritutako eredua delakoz, eta agortuta dagoen ustelkeriaz kutsatutako eredua izanik, aurka agertu gara».
Erabakiak non, nork eta nola hartzen diren, bulkatzen den garapen eredu honekin ere bat heldu dela uste du Aroztegia eta Gero zer Plataformak. Lekarozko herria, Nafarroako Gobernuko zenbait teknikari, epaitegiak, herri eragile, Baztango Batzar Nagusia, eta bertze hainbat ahots, proiektu honen aurka agertu direla gogoratu ondotik, «hala ere, UPN eta Geroa Baik elkar eskutik hartuta, proiektu honen alde egin dute. Argi utzi nahi dugu UGPS/PSIS hau onartzea erabaki politikoa izan dela eta posible zein ezinbertzekoa dela erabaki honetan gibelerat egitea».
Albiste hau Erran.eus atariak eta CC-by-sa lizentziari esker ekarri dugu ARGIAra
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu larunbateko besta egunarekin, erresistentziaren lehenbiziko urteurrenean.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu besta egunarekin.
Elkartasunez, hamarnaka herritar elkartu dira Nafarroako Auzitegiaren aitzinean, "herri baten borondatea ezin da epaitu" banderola plazaratuz.
Aroztak Herri Ekimenak jakinarazi du sei pertsona epailearen aurretik igaro beharko direla, Aroztegiako makroproiektuaren aurkako protesten harira. Ekimenak babesa helarazi die, eta mobilizazioak deituko dituela iragarri.
Espainiako Gobernuaren Nafarroako Ordezkaritzak seirehuna euroko isunarekin zigortu ditu Ahotsa.info eta Ekinklik-eko bi kazetari grafiko. Guardia Zibilak dago isunaren atzean; kazetariei leporatzen die agenteak identifikatzea errazten duten irudiak publikatu izana.
Hamar pertsona auzipetu dituzte egitasmoan parte hartzeagatik. "Herri oso baten kontrako erasoa" dela salatu dute, eta "herri gisa erantzungo" dutela ziurtatu.
10 isun hartu zituzten joan den astean Aroztegiko proiektuaren kontrako mobilizazioetan parte hartu zuten herritarrek.
Astelehenean helarazi zizkien Guardia Zibilak deklaratzeko zitazioak. Bi egun lehenago, larunbatean, ehunka pertsonak parte hartu zuten Aroztak taldeak Aroztegiaren aurka deitutako manifestazioan.
Aroztak Herri ekimenak deituta Elizondotik Lekarozera manifestazioa egin dute Aroztegiko makroproiektua gelditzea eskatzeko. Antolatzaileen arabera, 2.500 pertsona inguruk parte hartu dute.
Lekarozko Aroztegiko proiektuak barnean hartzen dituen lau lursail ditu Astiz familiak Telleria auzoan. Enpresarekin bizitako esperientzia kontatu dio Nekane Astizek Ttipi-Ttapari.