Aroztegia makropoiektuak Baztanen izanen duen eragin okerraz ohartazi dute ehunka lagunek
1.500 lagun inguruk hartu du parte larunbat arratsaldean Elizondon "Aroztegia eta gero zer?" plataformak deituriko manifestazioan. Umore onez, Aroztegia makroproiektuak bailaran izanen lukeen eragina salatu dute, eta bertan behera uzteko exijitu dute. Proiektuaren inguruan herritarrek duten iritzia jakiteko erreferendum bat antolatzeko beharrezkoak diren sinadurak bildu dituztela iragarri dute.
Erabakitzeko eskubidearen aldarria egin dute Elizondoko kaleetan ehunka lagunek, eta azpimarratu dute Aroztegiako proiektua ez dela Baztan aranerako "onuragarria" ezta nahi duten garapen eredua.
"Ezetz erran genuen 2009an herri galdeketa egin zenean, ezetz erran dugu alegazioak aurkeztu ditugun aldiro, ezetz erran genien atzo legez kontrako proiektua onartu zutenei, eta orain legalitatea defenditzen dutenei, eta ezetz erran diegu Lekarozko herria, Baztango Udala eta Baztango Batzar Nagusia beren menpe daudela uste dutenei. Hala ere, batzuk entzungor segitzen dute, batere lotsarik gabe lekaroztarren borondatea oraindik zalantzan jartzen", salatu dute manifestazioaren ondoren irakurritako testuan.
Aroztegiako UGPS/PSISak Nafarroa guztian "aurrekari ikaragarria" sortuko lukela ere ohartarazi dute. "Ez gara Aroztegiako proiektu urbanistikoari buruz bakarrik ari, herritarrok gure etorkizuna nola izatea nahi dugun erabakitzeko eskubideari buruz baizik. Nola erran dezake gobernu 'demokratiko' batek ez duela herritarren iritzia jakin nahi edo galdetzea legez kontrakoa dela erran?".
Aroztegia proiektuak bailaran izanen duen eragina aztertu dute, hainbat datu eskeiniz eta galderak luzatuz. "Zergatik planteatzen da Udal Planetik kanpo, lur ez-urbanizagarri diren 46 hektareen birkalifikazioa? Akaso ez da aski 850 etxebizitza hutsik edukitzea Baztanen? Zergatik ematen zaio enpresa honi etekin ekonomiko pribatua lortzeko herri lurrak eta lur pribatuak espropiatzeko aukera?", galdetu dute. Ildo horretan, gogoratu dute 350 biztanleko herri batean (Lekaroz) 228 etxebizitza egin nahi dituztela, eta honek guztiz aldatuko duela herria. "Norendako da onuragarria proiektu hau?", galdetu dute.
Bukatzeko, eta erreferendunari begira jarriz, baztandar guztiei eskatu diete UGPS/PSISa gelditzeko eta herri galdeketa egiteko elkarlanean aritzea.
Albiste hau Ahotsak argitaratu du eta hedabide horren baimenarekin ekarri dugu ARGIAra.
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu larunbateko besta egunarekin, erresistentziaren lehenbiziko urteurrenean.
Ereindakotik omen uzta izena jarri dio egunari Aroztak! herritar talde antolatzaileak. Besteak beste, borroka horretan parte hartu duten guztiak eskertu nahi izan ditu besta egunarekin.
Elkartasunez, hamarnaka herritar elkartu dira Nafarroako Auzitegiaren aitzinean, "herri baten borondatea ezin da epaitu" banderola plazaratuz.
Aroztak Herri Ekimenak jakinarazi du sei pertsona epailearen aurretik igaro beharko direla, Aroztegiako makroproiektuaren aurkako protesten harira. Ekimenak babesa helarazi die, eta mobilizazioak deituko dituela iragarri.
Espainiako Gobernuaren Nafarroako Ordezkaritzak seirehuna euroko isunarekin zigortu ditu Ahotsa.info eta Ekinklik-eko bi kazetari grafiko. Guardia Zibilak dago isunaren atzean; kazetariei leporatzen die agenteak identifikatzea errazten duten irudiak publikatu izana.
Hamar pertsona auzipetu dituzte egitasmoan parte hartzeagatik. "Herri oso baten kontrako erasoa" dela salatu dute, eta "herri gisa erantzungo" dutela ziurtatu.
10 isun hartu zituzten joan den astean Aroztegiko proiektuaren kontrako mobilizazioetan parte hartu zuten herritarrek.
Astelehenean helarazi zizkien Guardia Zibilak deklaratzeko zitazioak. Bi egun lehenago, larunbatean, ehunka pertsonak parte hartu zuten Aroztak taldeak Aroztegiaren aurka deitutako manifestazioan.
Aroztak Herri ekimenak deituta Elizondotik Lekarozera manifestazioa egin dute Aroztegiko makroproiektua gelditzea eskatzeko. Antolatzaileen arabera, 2.500 pertsona inguruk parte hartu dute.
Lekarozko Aroztegiko proiektuak barnean hartzen dituen lau lursail ditu Astiz familiak Telleria auzoan. Enpresarekin bizitako esperientzia kontatu dio Nekane Astizek Ttipi-Ttapari.