Arizmendi ikastolako greba-araudia aldatzeko, mobilizazio nazionala deitu dute Ikasle Abertzaleek
Arrasateko Arizmendi ikastolari eskaera zehatzak egin dizkio Ikale Abertzaleak mugimenduak, ikastetxeko greba-araudiak ikasleek greba eta parorako duten eskubidea behar bezala bermatzen ez duela iritzita. Zuzendaritzak araudia negoziatzeko jarri duen epea “luzeegia” dela-eta, mobilizazio nazionala deitu dute otsailaren 22an, Arrasaten bertan. Ikastolako zuzendaritzatik diotenez, greba-araudia berrikusteko konpromisoa hartua dute iaztik eta "prozesu parte-hartzailea ireki da ikastola osatzen dutenen arteko adostasuna bilatzeko".
“Aldaketa guztiak ofizialki onartu arte, Arizmendiko estamentu guztietan, ikasleei zuzenean jakinarazi arte, eta aldaketak gauzatu direla egiaztatu arte” eutsiko diete mobilizazioei IAko kideek. Eskaera nagusiak bost dira: greba araudia aldatzea, ikasle mugimenduaren baldintzak onartuz; %25eko desbinkulazio langa kentzea grebarako; azterketak atzeratzea greba egunetan; greba eskubidea 4.DBHra zabaltzea; eta paro eskubidea onartzea. Otsailaren 16an prentsaurrekoa emango du IAk, gaia xeheago azaltzeko asmoz.
Zuzendaritza: “Ez diogu ezeri ateak ixten, dena dago aztergai”
Arizmendiko zuzendaritzara deitu dugu, eta argi utzi nahi izan dute Batxilergoan betidanik izan dela grebarako eskubidea eta inoiz ez dela ukatu. Iaz lehenengo aldiz aldarrikatu zuten DBH 4koentzako greba eskubidea eta “araudia zaharkituta zegoela ikusi genuen, bai ikasleek, bai guk. Araudia berrikusteko konpromiso firmea daukagu –diote zuzendaritzatik– eta dagoeneko hasi gara ikasgeletako ikasle ordezkariekin bilerak egiten, gaia jorratzeko eta puntuz puntu hausnarketa egiteko, ez diogu ezeri ateak ixten, dena dago aztergai. Ideia bat egin dezazun, aldarrikapen gehien dagoen zentroan sortu dugun eztabaidarako mahaia 13 ikaslez eta 2 irakaslez dago osatuta”.
IAren arabera, negoziatzeko epe luzeegia jarri du ikastetxeak, hiru hilabeteko epea: “Modu arriskutsuan gerturatzen da ikasturte amaierara”, diote. Zuzendaritzatik erantzun dute aipaturiko eztabaida-mahaietatik aterako den proposamena gero gainerako ikasleei, gurasoei eta irakasleei aurkeztuko zaiela, haiek ere euren ekarpenak egin eta iritzia eman dezaten. “IAk jarrera bat du, baina ez da ikasle mugimendu bakarra, ezta ikastetxeko komunitatea osatzen duen eragile bakarra, denona entzun eta adostu beharko dugu, egon daitezkeen ikuspegiak aintzat hartu. Hala planteatu dugu prozesua, eta horrek denbora bat behar du; greba-araudia ez dago zuzendaritzaren esku, denon esku egongo da”.
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]