Argindarraren ordain-agirietan %50eko igoera egon daitekeela ohartarazi dute
Facua-Kontsumitzaileak Martxan elkarteak ohartarazi du maiatzean elektrizitatearen fakturetan bat-bateko igoera handia egon daitekeela, merkaturatze marjinaren berfakturazioaren eraginez. Kontsumitzaile zaurgarrien kasuan igoera %50ekoa izan daitekeela kalkulatu du.
Berfakturazioa Espainiako Auzitegi Gorenaren sententzia baten ondorio da. Auzitegiak ebatzi du Kontsumitzaile Txikiaren Borondatezko Prezioaren (KTBP) ardura zuten konpainia elektrikoek 2014tik jaso duten merkaturatze marjina txikia dela. Auzitegi Gorenaren ebazpenaren ondorioz, Espainiako Gobernuak komertzializazio marjina igo du, errege dekretu bitartez. Lege horrek aurreikusten du, batetik, ordain-agirien %0,2ko igoera eta, bestetik, bezeroei 2014tik ez kobratutako kopuruak jasotzeko berfakturazioa.
Facuak azaldu duenez, 2014an Energia Ministerioak gaizki kalkulatu zuen energia elektrikoaren merkaturatze kostua, eta azken hiru urteetan fakturak gaizki egin dituzte. Orain, faktura horiek guztiak aldi bakarrean kobratzeko baimena dauka Energia Ministerioak.
Berfakturazio hori “kolpe-batean” izatearen arriskuez ohartarazi du Facuak. Kontsumitzaile askoren egoera ekonomiko “larriaren” aurrean Gobernuak duen “sentsibilitate falta” salatu du, baita berfakturazioko dirua aldi bakarrean kobratzea erabaki duten konpainiena ere, epea irailaren 30era arte zelako. Elkarteak adierazi duenez, ordain-agirian %50eko igoera izan duten kontsumitzaile kaltetuen kontsultak jaso dituzte dagoeneko.
Espainiako Gobernuak ezarritako zerga jaitsieren neurria iraungi egingo da urte honen amaieran.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Iruñeko Udalak 324.885 eurora handitu du Gabonetako argietara bideratutako aurrekontua. Azaroaren amaieran –San Saturnino egunaren bueltan– piztuko dituzte, eta urtarrilaren 6an itzali.
Batez beste 209 euro aurreztu dira etxebizitza bakoitzean, ESADEk egindako ikerketaren arabera.
Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
Carlos Sánchez Mato Madrilgo Unibertsitateko ekonomia aplikatuko irakaslea da eta Ezker Batuko programazioa egitearen arduraduna. El Salto hedabidean idatzi duen artikulua euskaratu dugu. "Europako Banku Zentralak erabaki du diruaren prezioa 75 puntutan igotzea... [+]
Erakusleiho itzaliak eta aire girotua kontrolpean eduki behar dira besteak beste energia aurrezteko planaren arabera. Eraikin batzuk aurreratu egin dira, eta neurriak sartu aurretiko gauean ere argiak itzali dituzte.
Aurten 4.200 milioi euro irabaztea espero du Iberdrolak eta Ibex35ean gehien irabaziko duena izatea.
Alemaniako Gobernuak bultzatuta, udako hilabeteetan 9 euroren truke nahi beste bidaiatu ahal izango da tren batzuetan eta garraio publikoan, argindarraren prezio gorakadari aurre egitea helburu. Herritarrak saldoan joan dira bonoak erostera, baina bada trenbide-sarea... [+]
Hamar egun daramatza familiak argindarrik gabe, estatu mailan indarrean dagoen moratoria urratuz, Auzoan Bizi etxebizitza sareak salatu duenez. Berakahren antzeko jarrerak “ohikoak” direla ziurtatu dute.
Hiru. Orain dela urte batzuk argindar-kontagailu analogikoa kendu eta digitala paratzeko agindu zigun Iberdrolak. Aldian-aldian langileak bidaltzen zituzten etxera aurretik abisatu gabe. Susmo txarra hartu genien interes eta tema ezohiko haiei: haiek, kontagailua aldatu behar... [+]
Azken hilabeteotan Iberiar Penintsulako handizkako merkatuan argindarraren prezioa etengabe ari da gora egiten. Urriaren 5ean, historian lehen aldiz, orduko megawattak (MWh) 200 euroko langa gainditu zuen, eta ordutik muga horren gainetik dago prezioa. Zer dela eta aldatzen da... [+]