ARGIAko langileek pentsioen erreformaren aurka Hego Euskal Herrian hilaren 27rako deitutako greba deialdiarekin bat egin dute, Langile Batzarrean hala erabakita. ARGIA.com-en eragin bikoitza izango du, ostegunean grebaren jarraipen informatiboa egiteaz gain, beste edukiak ezingo baitira bisitatu.
Hainbat modutara egingo dugu jarraipena. Batetik, webgunearen azalera ekarriko ditugu Twitter bidez #grebaorokorra etiketarekin egindako iruzkinak eta Twitter-eko jarioa elikatzeko, Hego Euskal Herriko eskualde ezberdinetan kolaboratzaile sarea koordinatu eta beraien ekarpenak argitaratuko ditugu. Euskal Herriko herri ezberdinetako egoera mapa batean biltzea da asmoa.