Haurdunaldiaren lehen hamalau asteetan abortatzeko aukera arautzen duen lege proiektua eztabaidatzen hasi dira Argentinako Senatuan. Diputatuen Ganberak alde egin arren, bozketa estua espero dute Senatuan.
Argentinako Senatuak abenduaren 14 honetan abiatu ditu abortuaren despenalizazioa dakarren lege proiektuari buruzko eztabaidak. Joan den ostiraleran, abenduaren 11an, Diputatuen Ganberak onartutako egitasmoa aurrera doa eta abenduaren 29ko espero da Senatuaren bozketa. Haurdunaldiaren lehen hamalau asteetan abortua legezkoa eta doakoa izango dela dio lege proiektuak. Oroit, gaur egun, abortua ez dela legezkoa Argentinan, bi kasutan izan ezik: bortxaketa bat izan denean eta haurdun dagoenaren bizitza arriskuan dagoenean.
Abenduaren 11an milaka herritar kalera atera ziren diputatuen bozketa ospatzeko:
À l'instant à Buenos Aires, l'Argentine célèbre un grand pas vers la légalisation de l'avortement 💚#AbortoLegalYa pic.twitter.com/TjLlA0fcVx
— uıɔoןɐs ןɐsuıqɐʇ (@nicolasnibat) June 14, 2018
Norma Durango izan da eztabaidaren moderatzailea. Justizia eta Zigor Gaietako eta Osasuneko batzordeetan, hiru funtzionarioek arauaren xehetasunak azaldu zituzten eta ekimenaren aldeko eta kontrako jarrrerak dituzten hainbat esperzialisten azalpenak jaso ostean ekin zioten debateari. Durangoren iritziz, "aldi honetan lege proiektua bozkatzeko aukerak daude", nahiz eta "zalantzatiak oraindik egon". Aldeko diputatuek ez dute itxaropen faltsurik sortu nahi eta 2018ko bozketa ekarri dute gogora: duela bi urte ere onartu zuten abortua legeztatzeko proposamena Diputatuen Ganberan, baina Senatuak atzera bota zuen; 31 senatarik alde bozkatu zuten, eta 38k, aurka. Oraingoan ere bozketa estua espero da.
Lege proiektuaren nondik-norakoak
Abortua legeztatzeko proiektuak hamalaugarren astera arte haurdunaldia etetea ahalbidetzen du, eta, aldi berean, praktika mediko horrekin ados ez dauden profesionalen kontzientzia-eragozpena ahalbidetzen die. Hamalaugarren asteko epea ez da aplikatuko haurdunaldia bortxaketa baten ondorio denean, 13 urtetik beherakoen kasuan edo emakumearen bizia arriskuan dagoenean. 16 urtetik beherakoek abortatzea erabakitzen badute, gurasoen edo tutorearen baimena beharko da. 16 urtetik gorakoek berriz, gaitasun osoa dute beren kabuz baimena eman eta haurdunaldia eteteko. Erakunde pribatu batek ez badu profesionalik haurdunaldia eteteko, beste erakunde batera bideratuko du emakumea, lege proiektuaren arabera.