Luhansk matxinatuaren erretratu bat
Oxanarekin gaude Luhanskeko merkatuan. Orain dela bost egun eskas askatasuna berreskuratu zuen miliziana honek, Kieveko gobernuarekin adostutako guda-presoen elkartruke baten ondorioz. 4 seme-alaba ditu, orain dela hilabete bueltatu ziren erbestetik, bere ama oraindik preso zela. 2 hile luzez gatibu egon da 40 urteko apaltxenka hau eta egunero jasan izan dituen torturen testigantza kontatu digu Luhanskeko merkatua bisitatzen dugun bitartean.
Luhanskeko merkatua ere leku hunkigarria da Oxanarentzat. Ekainean Ukrainar armadak merkatua jendez lepo zegoela, bonbardatu eta dozenaka zibilen heriotza eragin zuen. “Ni bonbardaketa hasi baino lau minutu lehenago hemen nengoen” esan digu Oxanak berarekin bahituta egondako miliziano batekin topo egin baino lehen.
Luhanskek hiri lasaiaren itxura izango luke bonben hotsengatik ez balitz; Poroxenko ukrainar presidenteak ofentsiba bat iragarri zuen orain dela lau egun. Frontea hiritik 15kmra dagoen arren jende asko etxera bueltatu da abuztutik hona. Zentroan igartzen den normaltasun faltsu hori erabat aldatu egin da merkatura heldu bezain laster. Dena suntsituta dagoen arren jendeak bere eguneroko bizitzarekin jarraitzen du, arazo guztien gainetik. Hiriaren periferian aurkitzen diren herri txikietan suntsipena da nagusi. Bertara eraman gaitu Oleg milizianoak “Mendebaldeko Europak eta Kievek egiten ari diren sarraskien berri eman dezazuen”. Umeendako parke bat zegoen tokian orain bonbak baino ez daude; suntsipena eta etsipena dira nagusi. Bertako biztanleak pozik daude Europako kazetariak bertara gerturatu direla ikustean: “kontatu zuen herrian ze egiten ari diguten Ukrainiako naziek” diote.
Hiri erdialdean tentsio egoera da nagusi normaltasun arraro baten baitan. Bertako miliziek Herri Administrazioa eta hiriko gainontzeko eraikin publikoak kontrolatzen dituzte. Defentsarako prest dituzte denak, bonbak egunero entzuten baitira. Behin eta berriro errepikatzen dute: “Ez dira pasako!”.
Argazkiak: Ibai Trebiño / Lur Gil
Irailaren 23tik 27ra egingo dituzte erreferendumak, herritarrei galdetzeko ea sartuko liratekeen Errusiako Federazioan. Ukrainak Errusiaren xantaiatzat jo du ekimena. Putinek erreferendumak babestuko dituela adierazi du, eta horrekin batera, asteazkenean 300.000 militar ohi... [+]
Korridore humanitarioetatik barrena zibilak ateratzeko hartu du erabakia Moskuk. Hala ere, Ukrainako ordezkariak mesfidati agertu dira, ez diote sinesgarritasun osoa bideratu Errusiak plazaraturiko erabakiari.
Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko... [+]
Ukraina eta Errusia historiak lotutako bi herrialde izan dira mende luzez. Azken ehun urteetan, iraultzak eta mundu gerrak bizi izan dituzte elkarrekin eta, orain, elkarren aurka. Data nagusienak laburbildu ditugu hemen.
Egun hauetan Ukrainan gertatzen ari den gatazka militarra ulertzeko gako nagusietako bat Donbassen azken zortzi urteotan izandako gerra da. Gerra piztu zenean, Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jaso zituzten lehen eskuko... [+]
Petrolio eta gasaren prezioak gora egiten ari dira, Ukraina eta Errusiaren arteko gerra arriskuak munduko horniduran eragin dezakeenaren beldurrez. Nazioartean erreferentzia den Brendt gordin upelaren prezioak otsailaren 22an azken zazpi urteetako gorengo preziora iritsi zen:... [+]
2021eko urriaren 30ean The Washington Post egunkariak argitaratutako artikulu batek ireki zuen bidea. Testuan iradoki zuten Errusia Ukrainaren inbasioa prestatzen ari zela. Ordutik zurrumurrua etengabe elikatu eta garatu dute AEBetako Gobernutik, eskala handiko inbasioa berehala... [+]
Errusiako presidente Vladimir Putinek Donbassko Donetsk eta Luhanskeko herri errepubliken independentzia aitortu du otsailaren 21ean eta Errusiako Parlamentuak ondorengo orduetan berretsiko du Putinen erabakia. Honek dekretuan jaso du armada "bake eginkizunetarako"... [+]
Errusiako lehen ministro Vladimir Putinek gaur erabakiko du Donbasseko herri errepubliken independentziari buruz. AEBek hainbeste hauspotu duten Errusiaren inbasiorik ez da gertatu, baina Ukrainan tentsioak igotzen jarraitzen du. Asteburuan Ukrainako armadak Donbass eskualde... [+]
Errusiako kazetari talde bat 2014ko apiriletik gatazka gordinean murgilduta dagoen Ukrainako ekialdeko Donbass eskualdean izan da, bertako biztanleen testigantzak jasotzeko asmoz. Hiri eta herrixka askotan bizi duten egoera lazgarriaren lekuko izan dira.
