Aralarko pisten auzia: iritzi anitz Aranzadik egindako agerrialdiaren inguruan
Aralarko parkean egin nahi dituzten pisten eraikuntza bertan behera uzteko eskatu du Aranzadik. EHNE eta ENBA nekazari sindikatuek salatu egin dute elkartearen jarrera, eta sindikatu horiei erantzun die Naturkon Gipuzkoako talde ekologista eta naturzaleak.
Naturkonen ustez, “zuzenak ez diren argudioak” eman dituzte EHNE eta ENBA sindikatuek “salaketa larri horiek egiteko”.
Sindikatuen esanetan, “Aranzadik adierazi du abeltzaintza estentsiboak ez duela etorkizunik”. Elkarteak esandakotik ondorio hori ateratzea “jokabide interesatua” dela uste du Naturkonek, “Aranzadik argi utzi duena da Aralarren gaur egun bultzatzen den abeltzaintza-eredua ez dela bateragarria natur balioen kontserbazioarekin”.
Aralarren artzaintza desagertuko balitz ez litzatekeela deus ere gertatuko esan du Aranzadik EHNE eta ENBAren ustez. Gipuzkoako talde ekologista eta naturzaleak, aldiz, baieztapen hori gezurra dela esan du, “Aralarrek bere oreka ekologikoa bilatuko zukeela esan du Aranzadik”.
Horrez gain, sindikatuen iritziz “Aranzadiren ikuspuntuak ez du kontutan hartu Aralar mendia Mankomunitatea osatzen duten hamabost Udalena dela”. Naturkonek azaldu duenez, “natur balioen defentsak unibertsala eta derrigorrezkoa beharko luke izan, giza eskubidea den heinean”.
Aranzadi Zientzia Elkarteak Aralarri buruz duen ezagutza zientifikoa zalantzan jartzea zilegi dela azaldu du Gipuzkoako talde ekologista eta naturzaleak, “baldin eta horretarako argudio zientifikoak erabiltzen badira”.
"Aralarko pistek atzeraezinezko kalte larria eragingo lukete ingurumenean"
Aranzadiren ustez, Aralarko pistak eraikitzeak natura eta gizakiaren arteko oreka suntsituko luke. Horrela azaldu du urtarrilaren 13an Gipuzkoako Batzar Nagusietako Ingurumen eta Obra Hidraulikoetako Batzordean. Eraiki nahi den proiektua ondare naturala babesteko gomendatzen diren ildoen aurkakoa dela esan du Juantxo Agirre elkarteko idazkari nagusiak.
Azaldu duenez, nazioarteko araudietan gomendatzen da natur parkeetan kilometro koadroko 0,6 kilometro pista egotea, eta Aralarren 1,1 kilometro daude: “Artzaintzarekiko oso sentsibilizaturik gaude, indusketak egin eta haren sorrera ere ikertu dugu. Gauden-gaudenean, pistek Aralar urbanizatuko dute. Natur parkea eta orain arte ezagutzen genuen oreka hautsiko dute”.
Harrabotsa astindu da berriro, Enirio-Aralarko herrietan, auzibidean dagoen Saltarrirako pista dela eta. Gaia ez da berria: 2016. urtean Gipuzkoako Foru Aldundiak, Enirio-Aralar mankomunitatearen onespenarekin, Intzentsao eta Goroskintxu artean pista berria eraiki zuenetik... [+]
Tolosako Epaitegiak artxibatzea erabaki du, behin-behinean, Eguzkik eta Landarlanek Aralarko pisten aurka jarritako salaketa. Gipuzkoako Foru Aldundiak ontzat eman du autoa, baina salaketa egina duten elkarteek, hau da, Eguzkik eta Landarlanek, artxibo hori ez dela behin betikoa... [+]
Giro ederrean egin da larre irekiera ekitaldia, asteazkenean, Larraitzen. Jojo Goienetx Garaziko Mendietako Elkargoko lehendakaria eta laboraria arduratu da langa irekitzeaz.
Aralar lur publikoa izanik, bere kudeaketa Mankomunitateko 15 udalerrietako erakunde zein erabiltzaileen gain erortzen da, guztion iritziak entzun eta adostasun zabalez iritsi gara honaino. Eta erabilera aipatuta, ekoizpen eta etekin ekonomikoa bilatzen duten artzain zein... [+]
Ttiki-ttikitatik izan dut artzain izateko ametsa. Aurten nire barruari kasu eginez ardiak erosi ditut. Soldata duin bat emanen balu, bukatuko lirateke bai nire Iruñera lanerako egiten ditudan joan etorriak. Afizioak ofizioa emanen ote du noizbait?
Enirio eta Igaratza txabolen arteko bidearen egokitzapena ibilgailu motordunentzat egokitzeko izeneko proiektuaren alde bozkatu eta lan egindako arduradun politikoak babesteko mozioa aurkeztu du ENBA nekazaritza elkarteak Enirio-Aralar Mankomunitatea osatzen duten 15... [+]
Aralarko Natur Parkeko pista berri baten eraikuntza salatu dute Eguzki Talde Ekologistak eta Landarlan Ingurumen Elkarteak, Ingurumen Fiskaltzan. Kasu honetan Eniriotik Igaratzara doan pistari dagokio, Enirio Aralar Mankomunitateak bide baten egokitzapena bezala... [+]
Enirio-Aralar Mankomunitatearen, non EHBilduk ordezkarien gehiengoa duen, azken bileran, Mankomunitateko lehendakariak deituta uztailaren 30ean ospatu zena udako oporren garai bete-betean, EHBilduko hautetsi batzuen bozkak erabakigarriak izan ziren Enirio eta Igaratza... [+]
Aralarko arazo korapilatsuaren inguruko zentzugabekerien zerrenda luzatzen doa eta, konpondu beharrean, egunez egun gordinago dago. Babestutako naturgune batez ari gara, eta XXI. mendean jada aurrera goazelarik, ez litzateke gogorarazi behar han abeltzaintza, naturaren... [+]
Tolosako Epaitegian deklaratu beharko dute asteazkenean, abenduak 13, Arantxa Ariztimuño Gipuzkoako Foru Aldundiko Mendietako zuzendariak eta Felix Asensio erakunde bereko Ingurumen zuzendari ohiak –gaur egun Lan Hidraulikoetako zuzendaria da–, Aralarko Parke... [+]
Eguzki Talde Ekologistak eta Landarlan Ingurumen elkarteak fiskaltzarengana jo zuten duela urtebete, "Intzentsao-Goroskintsu pista proiektuak Aralar Natura Parkearen legediaren hainbat puntu urratzen zituela iritzita". Fiskaltzak uste du “lege hauste... [+]
Landarlan ingurumen elkarteak Aralarko Natur Parkearen Patronatuaren bileran eta Enirio-Aralar Mankomunitateko batzarrean hartutako hainbat erabakiren aurka egin du.
Enirio-Aralar Mankomunitateak Aralarko Parke Naturalean egin asmo dituen pistek arrakala handia sortu dute. 2003. urtetik aurreikusten zen pistaz gain, beste hainbat bide berri eraikitzea dago jomugan orain. Abeltzainek lan duintasuna argudiatzen dute pista horiek eraikitzeko... [+]