Aralarko Oiduiko borda kiskalita agertu da eta eragindako sutea izan den ikertzen ari da Ertzaintza
Ertzaintza sutearen afera aztertzen ari da, baina momentuz berariazko sutea dirudi, Eusko Jaurlaritzako Segurtasun sailak zabaldu duenez. Inguruko artzainen txabolek, ordea, ez zuten su hartu. Oiduiko borda Zaldibiako Gailurrerantz mendi elkarteak kudeatzen du eta erabiltzaileentzako irekita dago. Herritarrak auzolanean hasi dira dagoeneko, oso txoko kuttuna baita zaldibiarrentzat.
Hautsak harrotu dituen sutea
Gertatutakoak Aralarko mendi-bideen afera gaizkiagotu du. Izan ere, pasa den urrian artzainen txaboletaraino helduko ziren mendi-bideak eraikitzea erabaki zuen Aralarko Mankomunitateak, eta tira-bira ugari sortu zituen erabakiak. Gailurrerantz mendi taldea eta Aranzadi elkartea bideen eraikuntzaren aurka agertu ziren, beste batzuen artean.
Larunbateko suteak erreakzio ugari sorrarazi ditu: Aralarko abeltzainek eta EHNE eta ENBA sindikatuek “ekintza basatitzat” jo dute sutea, arduradunak “zigortuak” izan daitezela exijitu dute eta eztabaida mahaiaren gainean ipintzeko eskatu dute. Baina hau ez da zonaldean gertatzen den lehen istilua. Azaldu dutenez, azkenaldian “konfrontazioa” bilatzen duten mota honetako ekintza ugari gertatu omen dira. Mankomunitateko presidenteak, Jose Miguel Santamariak, berriz, gertaera hau pisten inguruko gatazkarekin bereizteko eskatu du.
Aralar Bizirik eta Landarlan taldeen ustez nahita sortutako sutea izan da, Oiduegiko borda kudeatzen duen elkartea, Gailurrerantz mendi taldea, mendi-bideak eraikitzearen aurka dagoelako. Bi elkarteek gertatutakoa gaitzetsi dute, esanez "tentsioak areagotzeko" baino ez duela balio.
EH Bildu ere gertatutakoaren aurka azaldu da: "Eraso hau, azken hilabeteetan bizi izan den krispazioarekin eta sektore batzuek izan dituzten jarrera okerrekin batera, ez dira bide egokiak Aralarko parke naturalak behar duen babesa bultzatzeko eta etorkizunerako irtenbideak bilatzeko", adierazi du koalizioak. Elkarrizketarako deia egin du eta Gipuzkoako Foru Aldundiari eskatu dio beharrezkoak diren tresnak ipini ditzala eremua behar bezala kudeatu ahal izateko.
Liskarren aurrean, herritarren elkartasuna
Zaldibiako 40 bat herritar sutearen tokira bertaratu ziren atzo aterpea berregokitzen hasteko. Gailurrerantz mendi taldeak borondatezko langileen babesa eskertu du eta borda berreskuratzeko pausoak ematen jarraitzeko asmoa adierazi du: “Oidui altxatuko dugu”.
Auzolanaren argazkiak zabaldu dituzte Zaldibia.org atarian:
Harrabotsa astindu da berriro, Enirio-Aralarko herrietan, auzibidean dagoen Saltarrirako pista dela eta. Gaia ez da berria: 2016. urtean Gipuzkoako Foru Aldundiak, Enirio-Aralar mankomunitatearen onespenarekin, Intzentsao eta Goroskintxu artean pista berria eraiki zuenetik... [+]
Tolosako Epaitegiak artxibatzea erabaki du, behin-behinean, Eguzkik eta Landarlanek Aralarko pisten aurka jarritako salaketa. Gipuzkoako Foru Aldundiak ontzat eman du autoa, baina salaketa egina duten elkarteek, hau da, Eguzkik eta Landarlanek, artxibo hori ez dela behin betikoa... [+]
Giro ederrean egin da larre irekiera ekitaldia, asteazkenean, Larraitzen. Jojo Goienetx Garaziko Mendietako Elkargoko lehendakaria eta laboraria arduratu da langa irekitzeaz.
Aralar lur publikoa izanik, bere kudeaketa Mankomunitateko 15 udalerrietako erakunde zein erabiltzaileen gain erortzen da, guztion iritziak entzun eta adostasun zabalez iritsi gara honaino. Eta erabilera aipatuta, ekoizpen eta etekin ekonomikoa bilatzen duten artzain zein... [+]
Ttiki-ttikitatik izan dut artzain izateko ametsa. Aurten nire barruari kasu eginez ardiak erosi ditut. Soldata duin bat emanen balu, bukatuko lirateke bai nire Iruñera lanerako egiten ditudan joan etorriak. Afizioak ofizioa emanen ote du noizbait?
Enirio eta Igaratza txabolen arteko bidearen egokitzapena ibilgailu motordunentzat egokitzeko izeneko proiektuaren alde bozkatu eta lan egindako arduradun politikoak babesteko mozioa aurkeztu du ENBA nekazaritza elkarteak Enirio-Aralar Mankomunitatea osatzen duten 15... [+]
Aralarko Natur Parkeko pista berri baten eraikuntza salatu dute Eguzki Talde Ekologistak eta Landarlan Ingurumen Elkarteak, Ingurumen Fiskaltzan. Kasu honetan Eniriotik Igaratzara doan pistari dagokio, Enirio Aralar Mankomunitateak bide baten egokitzapena bezala... [+]
Enirio-Aralar Mankomunitatearen, non EHBilduk ordezkarien gehiengoa duen, azken bileran, Mankomunitateko lehendakariak deituta uztailaren 30ean ospatu zena udako oporren garai bete-betean, EHBilduko hautetsi batzuen bozkak erabakigarriak izan ziren Enirio eta Igaratza... [+]
Aralarko arazo korapilatsuaren inguruko zentzugabekerien zerrenda luzatzen doa eta, konpondu beharrean, egunez egun gordinago dago. Babestutako naturgune batez ari gara, eta XXI. mendean jada aurrera goazelarik, ez litzateke gogorarazi behar han abeltzaintza, naturaren... [+]
Tolosako Epaitegian deklaratu beharko dute asteazkenean, abenduak 13, Arantxa Ariztimuño Gipuzkoako Foru Aldundiko Mendietako zuzendariak eta Felix Asensio erakunde bereko Ingurumen zuzendari ohiak –gaur egun Lan Hidraulikoetako zuzendaria da–, Aralarko Parke... [+]
Eguzki Talde Ekologistak eta Landarlan Ingurumen elkarteak fiskaltzarengana jo zuten duela urtebete, "Intzentsao-Goroskintsu pista proiektuak Aralar Natura Parkearen legediaren hainbat puntu urratzen zituela iritzita". Fiskaltzak uste du “lege hauste... [+]
Landarlan ingurumen elkarteak Aralarko Natur Parkearen Patronatuaren bileran eta Enirio-Aralar Mankomunitateko batzarrean hartutako hainbat erabakiren aurka egin du.
Enirio-Aralar Mankomunitateak Aralarko Parke Naturalean egin asmo dituen pistek arrakala handia sortu dute. 2003. urtetik aurreikusten zen pistaz gain, beste hainbat bide berri eraikitzea dago jomugan orain. Abeltzainek lan duintasuna argudiatzen dute pista horiek eraikitzeko... [+]