Egun horretan beteko dira bi hilabete Alberto Sololuze eta Joaquin Beltran Eizagako zabortegiko langileak desagertu zirenetik. Bilaketa lanek aurrera jarraitzen dute gaur egun ere, baina ez da oraindik emaitzik egon.
“Bi hilabete Joaquin eta Albertoren berri izan gabe. Bi hilabete gure osasuna arriskuan. Bi hilabete inork erantzukizunik hartu gabe”, dio Zaldibar Argitu plataformak bere Twitter kontuan. Data baliatuz, taldeak zaldibartarren ezinegona azalerazi nahi du eta eskatu die herritarrei etxeetan egon arren, datorren astelehenean 20:30ean balkoietara ateratzeko bost minutuz burrunba egitera. Ondoren bi kandela pizteko deia egin dute.
Plataformaren esanetan “nahikoa da, langileak aurkitu behar dira eta horretarako beharrezkoak diren baliabideak jarri”. Azpimarratzen du, halaber, ez direla geldituko, “Joaquin eta Alberto aurkitu arte, osasuna eta ingurugiroa salbu izan arte eta erantzukizun guztiak argitu arte”.
Bi hilabete Joaquin eta Albertoren berri izan gabe. Bi hilabete gure osasuna arriskuan. Bi hilabete inork erantzukizunik hartu gabe. BURRUNBADA!
— ZALDIBAR ARGITU (@ZaldibarArgitu) April 2, 2020
👉Apirilak 6
🕣 20:30
📍Etxeko balkoian Atera zarata eta elkarbanatu argazkiak#joaquinetaalbertogogoan#zaldibarargitu pic.twitter.com/JHsBIHkKlp
Zaldibarren gertatutakoa argitzeko antolatu gara eta ez gara geldituko
— ZALDIBAR ARGITU (@ZaldibarArgitu) February 27, 2020
👉 Joaquin eta Alberto aurkitu arte!
👉 Gure osasuna eta ingurugiroa salbu izan arte!
👉 Erantzukizun guztiak argitu arte!
Babestu herri plataformak#ZaldibarArgitu ORAIN! pic.twitter.com/XMKa9KLmpz