Apirilaren 23ko manifestazioan parte hartzeko deia egin du Aroztegia eta gero zer? Plataformak
‘Aroztegiako UGS/PSIS gelditu! Herriarena da hitza, herriarena erabakia’ goiburupean abiatuko da larunbat arratsaldeko 5:30ean Elizondon
Apirilaren 23an, larunbat arratsaldeko 5etan, manifestazioa izanen da Elizondon, Aroztegiako UGPS-a gelditzeko eta Baztango herritarren erabakia errespetatua izan dadin eskatzeko. Manifestazio horretan parte hartzeko deia egin du Aroztegia eta gero zer Plataformak: «Behin eta berriz erran dugun bezala, ez dugu Nafarroako Gobernuak UGPS bidez egin nahi digun inposaketa hau onartzen eta egitasmo urbanistiko honen aitzinean baztandarrok dugun iritzia zein den jakiteko beharra ikusten dugu, demokraziaren beharra ikusten dugu, herritarron tenorea da!».
Horregatik, larunbat hontan ozen aldarrikatuko dute Elizondoko karriketan, «baztandarron iritzia jakiteko eskubidea dugula eta gehiengoaren iritzia errespetatua izateko eskubidea dugula».
Manifestaziorako atxikimendua 600 pertsona baino gehiagok emana dute gaurger eta anitz dira modu berean elkarteak, taldeak, alderdi politikoak, sindikatuak etabar. Horren adibide gisa, ELA sindikatua (Baztan-Bidasoa), LAB sindikatua (Baztan-Bidasoa), EHNE Nafarroa, Zabaldi elkartasun etxea (Iruñea), Emagin elkartea, (H)ilbeltza elkartea, Jo ala jo kultur elkartea, Baztango Gazte Asanblada, Baztandarren Biltzarra elkartea, Aldude mendiko koordinakundea, Plazara dantzara herri ekimena, Baztandarrak Dantza Taldea, Baztango Bilgune Feminista, Baztango Sortu, Baztango eta Nafarroako Izquierda-Ezkerra, Baztango eta Nafarroako EH Bildu eta Nafarroako Podemos Ahal dugu aipatu zituzten
Aroztegia eta gero zer Plataformak aipatu duenez, «Lurra defenditu nahi baduzu, demokrazia partehartzaile baten alde bazaude, euskeraren arnasguneak babestu nahi badituzu, espekulazio inmobiliariorik gabeko Baztan bat nahi baduzu, badakizu! Etorri larunbatean gurekin aldarrikatzera: Aroztegiako UGPS/PSIS gelditu! Herriarena de hitza, herriarena erabakia».
Akitzeko, baztandar guztiei oroituarazi nahi diete Baztango Udalean sinadura eman dezaketela herri galdeketa egin ahal izateko. Momentu hontan 500 herritar inguruk sinatu dute eta hortaz 200 sinadura inguru falta dira hekburua betetzeko. Astetartez 09:00etatik 14:00etara eta larunbatetan 10:00etatik 13:00etara eman daiteke sinadura.
Albiste hau erran.eus-ek argitaratu du eta CC-by-sa lizentziari esker ekarri dugu ARGIAra
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
“Talde kriminal antolatu bat izatea eta derrigortze eta bortxa delitu larriak egin izana” egozten diete Espainiako fiskaltzak eta obraren enpresa arduradunak. Zehazki, 20 urteko kartzela zigorra eta 56.000 euro eskatu dituzte zazpi herritar horientzat.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
EH Bizirik sarea makroproiektuen aurkako plataformen elkargunea da eta martxoaren 22an manifestazio nazionala deitu du Gasteizen: "Lekuko borrokez gain, esparru zabalagoan lan egitea ezinbestekoa dela jakitun, manifestazio honek sare osoari eragiten dien puntuak izango ditu... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.