Bi asteko kanpaldia biribilduz, urtarrilaren 21ean "Andra Mari ez ikutu" lemapean manifestazioa egin zuten herritarrek Getxo Bizirik plataformak deituta. Bizkaiko akuifero handienetakoa den Ibarbengoa parking ez bihurtzea dute helburu, eta bertako Tosu landa baratze komunitario mantentzea. Hurrengo asteetan kanpaldiarekin jarraitzekotan dira.
2014an abiatu zen Tosu Betirako mugimendua, Getxoko udalak Ibarbengoan hektarea bateko parkinga egin nahi duen eremuan dagoen Tosu landa okupatu eta baratze bihurtuz. Parkinga Hirigintza Plan zabalago baten zati da: 8.000 etxebizitza eraikitzea du asmoa Getxoko Udalak, Viviendas de Vizcayaren bidez. Plan horren barruan, lehen eragiketa metro geltokia egitea izan zen: 50 milioi euro kostatu da eta justu-justu metroen loturak egiteko erabiltzen da, ez da herritarrek metroa hartu dezaketen geltoki bat.
Hirigintza Planean bigarren eragiketa izan nahi du Ibarbengoako aparkalekuak. Honek 6 milioi euroko aurrekontua du. Tosu Betirako mugimenduko kideek ohartarazi dute Getxon uholdeekin zailtasunak izaten dituztela, eta Bizkaiko akuifero handienetako bat asfaltoz gehiago estaltzeak arazoak areagotuko dituela. Hau guztia primeran azaltzen du Tosu Betirakoren bideoak:
Tosu Betirako mugimenduak adierazi du aparkalekua "ilegala" dela, hiri-antolamendu plangintzatik kanpo dagoelako eta bideratzeko trenbideko azpiegitura balitz bezala tramitatzen dutela. Ingurumen eraginen txostenik gabe ari direla ere salatu dute.
Horrela diote beren blogean: "Hau ez da ordea gazte batzuen eta parkina eraiki nahi dutenen arteko afera hutsa, bi mundu ikuskera kontrajarrien arteko talka baizik: lekuan-lekuko kontsumoaren eta mugikortasunaren artekoa, nekazaritza ekologikoaren eta monokultibo industrialaren artekoa, auzoen nortasuna mantentzearen eta uniformizatzailea den porlanaren aldekoaren artekoa… Finean, benetako jasangarritasunaren aldekoen eta bizitzeko Lurra halako hiru planeta beharrezko direla deritzotenen arteko talka".
Kanpaldira deia egiten duen bideo honetan ikus daiteke nola altxa duten bioeraikina negu hotzean eutsi ahal izateko. Literetan egin dezakete lo eta baratzeko fruituak bertako sukaldean eta adobezko labean prestatzen dituzte. Hitzaldiak, bertso afaria, dantza saioak, musika emanaldiak... egin dituzte orain arte.
Bideoan 2014ko ekintza bat ere ageri da, Bizkaiko Garraio Partzuergoan baratzea jarri zutenekoa, zera adieraziz: "Bizkaiko Garraio Patzuergoak ortuak porlanez zapaltzen dizkigu beraz ortua bere atera dakarkigu". Ez dute aurtengoa lehen kanpaldia, 15 eguneko bat egin zuten 2014an ere.
Urtarrilaren 23ko astean kanpaldiarekin jarraituko dute, espero baitute aparkalekua egiteko tramiteek aurrera egingo dutela aste honetan.
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]