AP-1eko obren ustezko iruzurrarengatik beste auzibide bat hasiko du Gipuzkoako Aldundiak
Eskoriatza-Arlaban zatian 17,1 milioi euro ordaindu ziren egin gabeko lanengatik, foru erakundearen arabera. “Diru publikoa bidegabe erabiltzeagatik Gipuzkoan inoiz egin den salaketa larriena da”, esan du Larraitz Ugarte Bide Azpiegituretako diputatuak.
Gipuzkoako Aldundiak beste fronte bat ireki du Bidegi auzian, AP-1 autobideko beste zati bateko obretan ere irregulartasun larriak atzeman ondoren. Eskoriatza-Arlaban tartean dagoen Isuskitzako tunelean, altzairuzko zuntzetan eta hormigoian erabilitakoa baino 8,3 milioi euro gehiago ordaindu ziren, Aldundiaren esanetan.
Horrez gain, duela gutxi salatu zuten Arabako obrei zegokion zati bat ordaindu zuela Bidegik, 10,1 milioi euro. Hori ere eramango du epaitegira. Kopuru horretatik 1,3 milioi Isuskitzako tuneleko hormigoiarekin egin gabeko lanetan daude apuntatuta. Beraz, 17,1 milioi euroko iruzurra salatuko du Gipuzkoako Aldundiak.
Atzemateko zailak
Ugartek nabarmendu du ikerketa espezifikorik egin izan ez balute ez luketela lortuko ustezko desfase horiek atzematea. Altzairuaren kasuan, esaterako, tunel osoan jarrita balego bezala ordaindu zen, baina Ingeotyc enpresak ikuskatu duenez %43an baino ez dago.
Kasu honetan hiru pertsona inputatzeko eskatuko du Aldundiak: Bidegiko zuzendari tekniko ohia eta Aldi Baterako Enpresa Batasunaren eta Obra zuzendaritzaren arduradunak. Ugartek azaldu duenez, ez dute baztertzen arduradun politikoen kontrako neurriak ere hartzea. Arabako zatiari zegozkion ordainketen inguruko salaketa egiterakoan, hainbat ordezkari politikok sinatutako akta erakutsi zuen Aldundiak, tartean zeuden Eneko Goia Bide Azpiegituretako diputatu ohi eta gaur egungo Donostiako alkategaia edota Felix Urkola jeltzaleen Lazkaoko alkategaia.
Bidegi auzian jadanik 30 milioi euro inguruko zuloa salatu du Gipuzkoako Aldundiak. Arrasate-Eskoriatza zatian jarrita duen beste kereila 13,6 milioi eurora zabaltzea onartu zuen Azpeitiko epaitegiak eta hiru lagun daude inputatuta.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.
Gipuzkoako Lurralde Auzitegiak irailaren 13rako, 9:30ean deitu du deklaratzera Azpeitiko auzitegian Donostiako alkate eta Gipuzkoako azpiegitura diputatu ohi Eneko Goia. Egun berean joan beharko dira AP-1 errepidearen eraikuntzako arduradun Luis Mari Apraiz eta Felix Urkola, [+]
Eneko Goia jarduneko Donostiako alkateak eta Gipuzkoako Foru Aldundiko azpiegitura diputatu ohiak lekuko gisa deklaratu beharko du Azpeitiko 2. Instrukzio epaitegian “Bidegi auzia” dela-eta. Goiarekin batera, AP-1 errepidearen eraikuntzan ardurak izan zituzten Luis... [+]
Bidegi kasua, Donostiako erraustegiaren afera, iruzur fiskala... aztertuko dituzte, besteak beste, "Benetan ai al gea? Hau ez tao onartzeik!" izenburupean Azkoitiko Zakela Kultur Elkarteak antolatutako hitzaldietan: urtarrilaren 17an hasita, asteartero 19:00etan Zakela... [+]
Arlabango tunelean ustez egondako desfaseei buruzko kereila berraztertu du eta “manipulazio” eta “akatsez” beteta dagoela dio orain EAJren esku dagoen gobernuak.
AP1eko autobidearen obretan egondako ustezko irregulartasunengatik epaile aurrean deklaratu dute beste behin inputatuek. Fiskaltzak ez agertzea erabaki du.
Jarduneko Gipuzkoako Foru Aldundiak astelehenean aurkeztu du Bidegi auziarengatik bigarren kereila Azpeitiko auzitegian.
Larraitz Ugarte bozeramaileak jakinarazi du Gipuzkoako Aldundiak Markel Olano, Eneko Goia, Felix Urkola eta Luis Mari Apraizen deklarazioa eskatuko duela lekuko gisa.
Xabier Olanorekin (EH Bildu) izandako aurrez aurrekoan hautagai jeltzaleak adierazi du “agenda iluna” dagoela “EAJren irudia zikintzeko”. Mahai-ingurua gaur 21:00etan egongo da ikusgai ARGIAren webgunean.
AP-1 autobidearen lanetan beste hamar milioi euroko irregulartasuna aurkitu du Gipuzkoako Foru Aldundiak. Zehazki, Eskoriatza-Arlaban tarteko lanetan Arabako zatiarengatik ere Gipuzkoako Diputazioak ordaindu zuela uste du Bide Azpiegituretako diputatu Larraitz Ugartek prentsa... [+]
Gipuzkoako Aldizkari Ofizialak Bidegiren finantza beharrei aurre egiteko foru araua argitaratu du eta aurten 8,9 milioi euro emango dizkio.
Bergarako Basagoiti eremuko lur mugimenduetan ustez izandako irregulartasunak gehituta, orotara 13,6 milioi eurokoa litzateke balizko iruzurra.