irabazi du Sirian ateratako argazkiengatik
Atlanta Photojournalism Seminarrek 2011n Libian erahildako Chris Hondros kazetariaren omenez fotokazetaritza alorreko nazioarteko lehiaketa antolatzen du urtero. Kazetari eta argazkilari urretxuarra Siriako gerran eginiko lanagatik saritu dute Best In Show sailean.
Bostok argazki agentziako fundatzailea munduan barrena ibili ohi da zenbait gatazkatako irudiak munduari ezagutarazteko lanetan. Urte hasieran, bahitu egin zuten Libiako Alepo hirian beste bi argazkilarirekin batera, baina ordu batzuren buruan aske utzi zuten.
ARGIAko kolaboratzailea eta blogaria da Lubaki, eta ondorengo loturetan aldizkarirako Siriaren inguruan egin dituen erreportajeak daude ikusgai:
“Siriako gatazka frankotiratzaile baten begietatik” erreportajea eta argazki bilduma (2013-02-03, 2355. zenbakia)
“Siria, bahiketen puzzle osatugabea” (2013-10-20, 2347. zenbakia)