Abenduaren 16an Pandora izeneko polizia operazioan atxilotutako zazpi lagunak baldintzapean aske uzteko agindu du Javier Gómez Bermúdez epaileak. 3.000 euroko fidantza ezarri die bakoitzari.
Epaileak “erakunde terroristako kide” izatea eta Espainiako Estatu osoan lehergailuekin egindako “hainbat atentatu” egin izana leporatu zien orduan atxilotuei.
Hain justu, Gomez Bermudezen erabakia ezagutu den une berean, Mossoen prentsa-bulegoak oharra plazaratu du, non zehazten diren atxilotutako lagunen kontrako akusazioak. Directa agerkariak jakinarazi duenez, Mossoen asmoa zen otsailaren 22ra arte sumarioa sekretupean mantentzea. Epaileak, ordea, "bat-batean kriterioa aldatu, ikerketak luzatzeari uko egin eta zazpi atxilotuak aske utziko ditu".
Abokatuen hitzetan, litekeena da kartzeletatik ostiral arratsaldean irteteta. Madrilgo hainbat espetxetan dituzte preso.