Amnistia aldarrikatu dute 93 euskal preso eta iheslari ohik
Amnistiaren aldeko aldarria egin dute 93 euskal iheslari eta preso ohik hainbat hedabidetara bidalitako gutunean. Biktimak ez, borrokalari direla azpimarratzen dute eta amnistiarik gabe labirinto batean galduta ibiltzeko arriskuaz ohartarazten dute.
Ondoren Amnistia titulupean kaleratutako artikulua eta behean haren sinatzaileak.
"Gutun hau sinatzen dugunok preso edota ihesean egon garen militante politikoak gara. Errepresioa pairatu genuen Euskal Herriaren askapen nazional eta sozialaren aldeko borrokan parte hartzeagatik. Ez gara biktimak, gure herriaren independentzia eta sozialismoaren alde borrokatu garen militante boluntarioak eta kontzienteak baizik. Beste milaka militanteren modura, guk ere bagenekien iraultza egiteak zekartzan arriskuak zeintzuk ziren. Bagenekien atxilotuak eta torturatuak izan gintezkeela, gaztaroa kartzelan pasa genezakeela, agian etxetik alde egin behar izango genuela dena utziz, familia eta lagunak barne, eta agian etxera itzuli ere ez ginela egingo. Bagenekien gure etsaiek, hilik ikusi nahi gaituztenek, epaituko gintuztela, dena irabazi ala dena galtzea ari ginela jokoan jartzen. Bidetik kideak galduko genituela bagenekien eta ehunka galdu ere. Hori guztia bagenekien eta hala ere borrokan murgiltzea erabaki genuen.
Egungo testuinguruan bada errepresaliatu politikoen inguruan bereziki kezkatzen gaituen zerbait. Urteak joan urteak etorri, 2015ean 400 kide baino gehiago ditugu preso, haien artean oraindik 30 urteko espetxealdiak gelditzen zaizkien hainbat. Beste askok erbestean jarraitzen dute errepresioari izkina egiten. Gure borrokaren helburu estrategikoak ez dira oraindik bete. Gure Herriak oraindik ez du zapalkuntza nazionala ezta klase esplotazioa ere gainditzea lortu. Eta hori da hain zuzen ere gakoa:
Zoritxarrez, kartzeletako giltzak ez daude gure esku. Armen indarra ere ez. Biak ala biak etsaiaren eskuetan daude. Horrek ez du esan nahi etsi behar dugunik, inolaz ere. Horrek esan nahi du estatuak behartzeko Herria ideologikoki janzteko lan ikaragarria egin behar dugula, ideologizazioa eta formazioa baitira armarik eraginkorrenak borrokalari iraultzaileontzat. Errepresaliatuen estatus politikoaren onarpenaren alde egin behar da eta ez kontrakoaren alde. Soilik Herriak onartzen baldin badu gatazka ez dela konpontzen gatazkan parte hartu duten militante politikoak aske izan gabe, soilik orduan topatu ahal izango dugu benetako irtenbide bat, eta horrek izen bat dauka: amnistia.
Giza eskubideen inguruko diskurtsoak zilegiak izan daitezke baldin eta errepresaliatuen izaera politikoa ezkutatzeko balio ez badute. Zer dela eta aplikatzen zaizkie sakabanaketa, bizi osorako espetxe zigorra, FIES, preso gaixoekiko erabiltzen duten etsaiaren zuzenbide penala eta abar luzea? Gure kideen izaera politikoagatik aplikatzen zaie, hain zuzen ere. Horretaz gain, errepresaliatu politikoen despolitizazioak euren kriminalizazioa errazten du, herriaren begietara delinkuente edota kriminal bihurtzen dituelako, eta horrek estatuei erraztasunak eskaintzen dizkie euren eskubideak urratzeko orduan.
Kide, herri eta klase gisa errepresaliatuen askatasuna lortzeko betebeharra daukagu, baldintzarik gabe eta duintasunez, inoren aurrean makurtu gabe, eta horretarako bidea amnistia da. Amnistiak gatazkaren konponbidea barnebiltzen du eta horregatik soilik amnistiaren gauzatzeaz bermatuko dugu errepresaliatu politiko gehiago ez egotea. Horretan jarri behar ditugu indarrak gaurtik, irakurketa alderdikoiak alde batera utzita. Ezin dugu onartu errepresaliatuen borrokaren ondorioak haietako bakoitzaren bizkar erortzea. Errepresaliatuen borroka Herriaren ardura izan da eta euren askatasuna ere Herriaren ardura izango da. Gutun hau sinatzen dugunok Herriari amnistiaren alde antolatzeko deia luzatzen diogu haren indar eta gaitasunean konfiantza osoa baitaukagu. PRESO ETA IHESLARIAK ETXERA ! AMNISTIA OSOA !"
- Koldo Alaña Arrinda
- Josu Alberdi Agirregomezkorta
- Jon Aldana Zelaia
- Jon Iñaki Alkorta Gandiaga
- Oscar Amezaga Maeso
- Rosa Mari Arana Txakartegi
- Juan Mari Arregi Azpeitia
- Iker Arzeluz Angiozar
- Gorka Azpitarte Rejado
- Bonifacio Badillo Rubio
- Teodoro Badillo Rubio
- Bautista Barandalla Iriarte
- Jon Imanol Beaskoa Rodriguez
- Jaione Beaskoetxea
- Iñaki Bengoa San Miguel
- José Tomás Bustamante Mencia
- Igor Cachorro del Pozo
- Pablo Caloca Pila
- José Luis Cuadrado Torre “Akelarre”
- Iñaki Egiluz Sagastizabal
- Maria Soledad Elustondo García
- Oscar Estebariz Arteta
- Angel Erdozia Larraza
- Iñaki Erro Zazu
- Juan José Etxeandia Salcedo
- Agurtzane Ezkerra Pérez de Nanclares
- Bego Ezkerra Pérez de Nanclares
- Carlos Ezkurra Leonet
- Lander Fernández Arrinda
- Elías Fernández Castañares
- Igor Fernández Fernández
- Ziortza Fernández Larrazabal
- Aitor Fernández Terceño
- Maria Pilar Ferreiro Bravo
- Unai Frías de la Red
- José Luis Gallastegi Lagal
- Alberto Garmendia Lakuntza
- Francisco Javier Gil Rosado
- Miguel Ángel Goienetxea “Txo”
- Kristina Goirizelaia González
- Aner Gómez Agirre
- Asier Gómez de Salazar Rodriguez
- Felipe González Baños
- Roberto González Lizarraga
- Koldo Gracia López
- Jordi Grau Añó
- Iñaki Herrán Bilbao
- José Antonio Hurtado Gañán
- Idoia Iragorri Petuya
- Peio Iriondo
- Maria Angela Irure Arregi
- Jon Mikel Iturriaga Omán
- Mikel Jauregi Agirrezabala
- Andeka Jurado García
- Sendoa Jurado García
- Jon Kerejeta Bera
- Mari Ángeles Larrea
- Zigor Larredonda Muñoz
- Asier Larrinaga Rodriguez
- Gotzon Kepa Larrondo Irazabal
- Aitor Llano Estévez
- Lorena López Díez
- Jon Maidagan Hernández
- Ixabel Martínez de Antoñana
- Maite Martínez San Millán
- Iker Mendizabal Cubas
- Kepa Morales San Sebastián
- Juan Antonio Olagorta Arana
- Iñaki Orbeta Berriatua
- Alberto Paúl Larrea
- Ibon Pérez Ziluaga
- Eduardo Pérez de Anuzita Urkijo
- Iñigo Ripoll Estarata
- Klemente Ruíz Cantalapiedra
- Jose Maria Sagardui Moja “Gatza”
- Fermin Sanchez Agurruza
- Joel Sitiague
- Amaia Urizar de Paz
- Roberto Vecino Santamaría
- Peio de Vega Martín
- Andrés Velado Fernández
- Fermin Ventura Pérez
- Izaskun Villanueva Ortega
- Jon Villanueva Patin
- Luis Armando Zabalo Bilbao
- Zorion Zamakola Ibaibarriaga
- Jon Zapirain Romano
- Angel Zelaieta Gisasola
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]