Amazonek bat egin du olatu ultrarekin, eta pertsona LGBTQ eta beltzen eskubideak babesteko politikak apaldu ditu
Hainbat enpresak aniztasun eta inklusio politikak aldatu dituzte Donald Trumpen gobernu berriari ongietorria egiteko.
X eta Metaren ondoren, Jeff Bezosen enpresak pertsona beltzen eta LGBTQ kolektiboko pertsonen eskubideak babesteko konpromisoak bertan behera utzi ditu bere politika korporatiboetan. Multinazionalaren aniztasun-, parekidetasuna- eta inklusio-programak murrizteko politikarekin bat egiten du neurriak.
2024ko abenduaren 16ko memorandum batean, Amazonen Esperientzia eta Teknologia Inklusiboen presidenteordeak iragarri zuen enpresak "zaharkitutako programak eta materialak" ezabatuko zituela pixkanaka, eta, horren barruan, aniztasuna eta inklusioa handitzeko “ahalegin batzuk” murriztuko zituela.
The Washington Post egunkariak adierazi duenez, Amazonek "Parekidetasuna pertsona beltzentzat" eta "LGBTQ+ eskubideak" izeneko atalak kendu ditu bere webgunetik, transgenero terminoari egindako aipamen guztiekin batera. Parekidetasunaren eta eskubideen aipamenak epigrafe orokor baten zati bihurtu dira.
Urtarrilaren hasieran, Ann Telnaes Pulitzer saria irabazi zuen karikaturagileak uko egin zion The Washington Posten egiten zuten lanari, hainbat oligarka agertzen ziren bineta bat ez argitaratzeagatik. Trumpen estatua bat izan zitekeenari egiten zioten ohore. Oligarka horien artean, Jeff Bezos zegoen. Bera da The Whasington Post-en jabea eta hauteskunde-kanpainan hartu zuen erabakietako bat izan zen hedabideak Kamala Harrisen aldeko jarrera ofiziala ez hartzea.
Trumpen, eta bere lagun berri Elon Musken, garaipenarekin batera sortu den olatu ultrarekin bat dator albistea. Amazonen aurretik, moderazioko langileak gaitzeko politikak aldatu ditu Meta enpresak. The Intercept hedabideak hilaren 9an argitaratutako dokumentuek erakutsi zutenez, Metaren moderazioak ondoko mezuak ahalbidetuko dituzte aurrerantzean: "etorkinak kaka puska zikin eta nazkagarriak dira", "gayak zomorro arraroak dira" edo "begira trabesti horri [17 urteko neska baten argazkiaren azpian]".
John Deere, Harley Davidson, Walmart eta McDonald 's enpresek ere aniztasun-, parekidetasun- eta inklusio-ekimenak murrizteko erabakiak hartu dituzte, eta konpainia horiekDondalt Trumpi emandako "ongietorri" gisa interpretatuak izan dira. Datorren astelehenean, urtarrilak 20, AEBetako presidente izendatuko dute Trump.
Urtarrilaren 14an baieztatu zen Bezos, Mark Zuckerberg eta Elon Musk, Big Techen hiru buru nagusiak, Trumpen inbestidura saioan izango direla, eta, Amazonen eta Metaren jabeen kasuan, milioi bana dolar eman diote "inaugurazio funtsari".
Amazonen hodeia da AWS, eta funtsezko faktorea izaten ari da Israelen operazio militarretan.
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Amazonek, Jeff Bezos magnatearen konpainia estatubatuar erraldoiak, dirutza gastatuko du Aragoin dituen hiru datu-zentroak handitzeko. Bere filial Amazon Web Servicesek (AWS) 15.700 milioi euro jarriko ditu Huescan eta Zaragozan, Pirinioetatik datorren Gállego ibaiaren... [+]
Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]
LAB eta ELAk adierazi dute ez dela teilatua erortzen den lehen aldia, eta horrek arriskuan jartzen dituela langileak. Amazoneko langileek greban jarraitzen dute.
Trapagarango Amazoneko langileek salatu dutenez, “mehatxu eginez” deitu diete behin-behineko langileei greba egunetan lanera joan zitezen. Era berean, greba egunetarako “ordu osagarriak” eskaini izana leporatu diote enpresari.
Enpresaren jarrera “larria” salatu dute langileek. Eskaeren artean, jaiegunetan lan egiteagatiko konpentsazioak eta KPIari lotutako soldata-igoerak daude. Greba egunak abenduaren 17 eta 18a, eta urtarrilaren 3, 4 eta 5a dira.
Espainiako lantoki guztietan lanuzteak iragarri dituzte azaroaren 27 eta 28rako. Soldata baxuak eta lan-babes eskasa salatu dituzte.
Hirugarren greba eguna izan da ostegunean multinazionalaren Trapagarango lantokian, urriaren 17ko lanuzteen eta azaroaren 28ko egun osoko grebaren ondoren. Grebaren sustatzaile LAB sindikatuak adierazi du Amazonen azpikontratetako 300 furgoneta baino gehiago ez direla kalera... [+]
Irudi hau ez dago manipulatuta. Euskarazko Mastodon instantzia batean erabiltzaile batek egindako argazkia da, Hego Euskal Herriko bazter batekoa. Amazonen locker edo kutxatila-biltegi hauek hainbat bazterretan agertu dira azken urteotan, eta testu jakin batekin egon ohi dira:... [+]
"Guretzat onartezina da enpresa zuzendaritza greba batzordearekin komunikatzeko biderik zabaldu ez izana".