Amancio Ortega Fundazioak hamalau milioi euroko dohaintza egin dio Osakidetzari eta Eusko Jaurlaritzak teknologiaren berrikuntzarako inbertituko du. Osalde, EAEko Osasunaren Eskubidearen aldeko Elkarteak esan du EAEk ez duela behar enpresari aberatsen dohaintzarik, eta osasunaren pribatizazioa kritikatu du.
Iñigo Urkullu lehendakariaren, Jon Darpon Osasun sailburuaren eta Maria Jesus Mujika Osakidetzako zuzendariaren jarrera “etsigarria” dela esan du Osaldek. Eusko Jaurlaritzak Espainiako Estatuko enpresa-gizon aberatsenetako baten “altruismo edo karitatearen” beharrik ez duela esan dute. Osasun sistema zergen bitartez finantzatzea babestu dute, demokraziaren oinarrietako bat dela argudiatuta.
Inditexeko jabearen itxurakeria kritikatu dute: “Osasunak horrenbeste kezkatzen badu, esplotatuta eta lan baldintza arriskutsuetan lan egiten duten bere langileen baldintzak hobetu ditzala eta bere produkzio katean sortzen diren eskubideen urraketak zuzendu ditzala”, adierazi dute.
Osasunaren pribatizazioa ere salatu dute. “EAEn osasun sistema pribatua hazten ari da eta publikoa hondatzen ari da, osasun publikoaren sostengaezintasunaren falaziarekin amaitu behar dugu”, esan dute.
“Politika sozialak bultza ditzatela, teknologian inbertitu beharrean”
Osakidetzak tresna berrietan egin nahi duen inbertsioa kritikatu dute: “Teknologia kontrolik gabe erabiltzen da, eta errendimendu baxua, albo-ondorioak eta koste altuak ditu”, adierazi dute. Teknologia gehiago eskuratu beharrean politika sozialetan inbertitzeko beharra azpimarratu dute. “Ez da zilegi teknologiak aurrera egitea, familia askok bizitzeko oinarrizkoena ez duten bitartean”, esan dute. Murrizketen ondorioz galdutako osasunaren eskubide unibertsala berreskuratzeko eskatu diete gobernuei.
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Ikasturte osoan inork aipatu ez dituen kontuetan aritu ondoren, aktualitatearen erdigunera eraman nau, ustez, pneumonia batek, nola definitu ez dakidan hartuemana izan baitut Osakidetzarekin. Eta lehen deitik, ai ene, esperimentu batean egotearen sentsazio zirraragarria,... [+]
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Bilboko magistratuak adierazi du ez dagoela froga nahikorik langileak delitu hori egin zuela egiaztatzeko eta ez dagoela “lekukorik” hori frogatu duenik. Horrelako 300 sabotaje salatu ditu anbulantzien zerbitzua esleitua duen enpresak.
Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.
Astelehenean, otsailaren 19an, EAEko anbulantzietako langileek greba mugagabeari ekin diote.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Zerbitzutik zortzi erizain eta bi erizain laguntzaile kendu dituztela salatu du sindikatuak. Larrialdi horietara herritar bereziki zaurgarriek jotzen dutela azpimarratu du, eta agintariei eskatu diete “pertsonak zenbaki soiltzat hartzeari uzteko”.