Altsasuko liskarrarengatik atxilotutako zortzi pertsonetatik sei espetxeratu ditu epaileak
Hamar eta hamabost urte bitarteko kartzela zigorra jaso dezakete espetxeratuek. Atxiloketak salatzeko manifestazioak bete ditu Altsasuko kaleak.
Baldintzarik eta bermerik gabeko kartzela zigorra ezarri du Carmen Lamela epaileak atxilotutako zortzi pertsonetatik seirentzat. Altsasuko Koxka tabernan bi guardia zibilek eta gazte talde batek izandako liskarrekin lotuta daude atxiloketak. Espainiako Auzitegi Nazionalak terrorismoa ikusi du istilu horietan, eta azaroaren 14an atxilotutako zortzi pertsonetatik sei espetxeratzeko agindua eman du Lamelak. Beste biak aske utzi dituzte, baina astero poliziaren aurrean agertzeko aginduarekin.
Auzitegi Nazionaleko Fiskaltzak egindako eskaera hartu du aintzat epaileak. Zigor Kodeko 573. artikulua urratu dutela adierazi eta terrorismo delitua egotzi die espetxeratuei. Horrez gain, atxilotuek ihes egiteko arriskua dagoela ere azaldu du Lamelak, Iruñeko epaitegian euren kabuz aurkeztu ziren arren.
Iñaki Abad, Oihan Arranz, Jon Ander Cob, Julen Goikoetxea, Jokin Unamuno eta Aratz Urruzola dira epailearen aurrean deklaratu ostean espetxeratu dituzten seiak. Epaimahaiak Lamelaren tesia onartuko balu, hamar eta hamabost urte bitarteko kartzela zigorra jaso lezakete.
Atxiloketak salatzeko hainbat elkarretaratze eta protesta egin dira. Azaroaren 14an 1.500 pertsona inguruk bete dituzte Altsasuko kaleak, “atxilotuak askatu” lelopean. Horrez gain, operazioa “desmilitarizazioaren aldeko mugimendua kriminalizatzeko fabrikatu den delitu terrorista” izan dela salatu du Sortuk. Amnistiaren Aldeko eta Errepresioaren Aurkako Mugimenduak, bere aldetik, “zilegi den aldarrikapen bat kriminalizatu, eraso bat asmatu, polizia, epaile eta komunikabideen arteko koordinazioa bultzatu eta militante zein antolakundeen aurkako erasoa gauzatu” dela adierazi du.
Hau da azaroaren 14an Altsasun egindako manifestazioaren bideoa:
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
