Altsasuko Gurasoak Estrasburgon
Astelehen eta asteartean ordezkaritza han izanen da.
Altsasuko auziagatik auzipetutakoen bi ama, Bel Pozueta eta Edurne Goikoetxea, Estrasburgorako bidea hartu dute gaur. Berdeak/Europako Aliantza Askea (ERC, Compromis, ICV), Europaren aldeko Liberalen eta Demokraten Aliantza (UPYD, Ciudadanos, EAJ eta PDCAT ) eta Europako Ezker Batuaren Talde Konfederala (Izquierda Plural, Ahal Dugu eta EH Bildu) taldeek antolatutako topaketa batean parte hartuko dute bihar goizean: Europar Batasunean oinarrizko eskubideak defendatzen: Espainiako kasua.
Bide batez, hainbat euro-parlamentarirekin bilerak eginen dituzte bi altsasuarrek. Auziari buruzko txostenak banatu dizkiete bileraren aurretik. Pozuetak bizi duten babesgabetasuna salatu du gaurko bileran. Eta Goikoetxeak Europari eskatu dio “auziaz ez ahazteko, Espainiako justiziaren norabidearekin hau guztia aldatuko den inolako esperantzarik ez baitugu”.
Europako bidea
Ez da aurreneko aldia Altsasuko auziaz Europako erakundeen bihotzean ari direna. Altsasuko Gurasoen ordezkaritza Europako Parlamentuaren Bruselako egoitzan izan zen bat joan den urteko garagarrilaren 29an. Egonaldi “emankor” haren emaitza izan zen 15 estatuetako 51 euro-parlamentarik “arreta eta interesa” adieraziz adierazpena sinatu zutena.
Joan den urteko irailaren 29an Europako Batzordeko lehen lehendakariorde Frans Timmermansek esan zuen Altsasuko auzia gertutik segituko zuela. Holandarrak gaineratu zuenez, epai-prozedurak “Europako tratatuak eta legedia urratuz gero, neurri egokiak hartzeko eskubidea gordeko du”. Timmermansek EAJko, EH Bilduko, IUko eta Ahal Duguko eurodiputatuei emandako erantzuna
ez zen Coviteren gogokoa izan eta agintariari gutuna bidali zion. Han jasotzen zenez, “biktimen bertsioa Europar Batasuneko goi agintariengana iristea nahi dugu, ezker abertzaleak, beste indar politiko batzuez lagunduta, egiten ari den manipulazioa gelditzeko”.
Bestetik, Nafarroako Parlamentuak Altsasuko Auziaren inguruan onartutako eta Nafarroako Gobernuak ondoren bere egindako erresoluzioa ere Europara iritsi zen. Nafarroako Gobernuaren Bruselasko ordezkariak, Mikel Irujok, Eskualdeen Batzordeko European Alliance Taldeko presidente Karl Vanlouverekin lan bilera izan zuen apirilean eta, beste hainbat mintzagaien artean, Irujok Altsasuko auziaren berri eman zion.
Albiste hau Guaixe.eus atariak argitaratu du eta CC-by-sa lizentziari esker ekarri dugu ARGIAra.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
