Altsasuko guardia zibiletako baten neskalagunak hankaz gora jarri du bertsio ofiziala
Larunbatean Altsasuko istiluetan parte hartu zuten bi guardia zibiletako baten neskalagunak Foru Poliziaren aurrean deklaratu zuen, Garak zabaldu duenez. Deklarazio horrek hankaz gora jarri du hedabide gehienek zabaldu duten guardia zibilen bertsioa.
Gertakariak igaro eta ordu batzuetara, igande eguerdian, egin zituen deklarazioak emakumeak. Gaueko hirurak aldera tabernan pertsona batzuk “oldarkor” agertu zirela adierazi zuen eta irtetean liskarra hasi zela. Bertan sei pertsonak parte hartu zutela esan zien poliziei. Geroago, irrati saio batean emakume berberak 50-60 pertsona izan zirela adierazi zuen, bertsio hau da hedabide gehienetan zabaldu dena. Ez du aipatzen liskarraren arrazoia bi gizonezkoak Guardia Zibilak izatea izan zenik, ezta “Alde Hemendik” edo antzeko oihurik entzun izana ere.
Guardia zibila ere foru poliziekin hitz egiteko prest zegoen, baina Guardia Zibileko zuzendari nagusiaren bisita jaso arte atzeratu zuen deklarazioa. Bisitaren ostean deklaratzeari uko egin zion. Beste agenteak eta haren neskalagunak ere uko egin zioten polizien aurrean mintzatzeari. Ordu batzuk geroago egin zuten Guardia Zibileko beste kide batzuen aurrean. Hirurek eskainiriko bertsioa ez da oraindik atxilotuen defentsaren eskuetara iritsi.
Polizia Foralak eginiko txostenean ere ez da “lintxamendu” baten deskribapenik egiten. Bi guardia zibiletako batek kolpeak zituela eta bere neskalaguna astindua izan zela jaso dute.
Altsasuko herritarrek, bertsio ofiziala ukatuz, muntai polizialen aurkako manifestaziora deialdia egin dute larunbaterako. Atxilotuak izan ziren bi gazteei elkartasuna adierazi eta Guardia Zibilaren probokazioen aurka agertu nahi dute.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
