Altsasuko gazteen auzia Europako Parlamentura iritsi da
Gurasoen ordezkaritzak eta abokatuetako batek emango diete auziaren berri Eurodiputatuei eta konferentzia batean parte hartuko dute.
Altsasuko kasuan inputaturiko eta espetxeraturiko gazteen gurasoen ordezkaritza bat (Bel Pozueta, Edurne Goikoetxea eta Haizea Ramirez de Alda) haien abokatuetako baten laguntzarekin (Jaione Carrera), Europako Parlamentuak Bruselan duen egoitzara joan dira ostegunean. Bidaiaren helburua, kasuaren inguruan informazioa zabaldu eta hainbat estatuetako talde anitzetako eurodiputatuen babesa eskatzea da.
Agenda betea du laukoteak. 11:00etan prentsaurrekoa izan dute. Agerraldia Marina Albiolek (IU), Izaskun Bilbaok (EAJ), Xabier Benitok (Podemos) eta Josu Juaristik (EH Bildu) eskatu dute. Ondoren, 12:00etatik 13:00etara, hainbat estatu eta taldeetako Eurodiputatuekin bilera egin dute.
Bazkaldu ondoren, 15:00etatik 18:30etara, Europa, Zuzenbide Estatutik Salbuespen Estatura: borroka sozialak eta adierazpen askatasuna erasopean konferentzian parte hartuko dute. Han Hungaria, Espainia, Euskal Herria, Frantzia, Belgika, Irlanda eta Italiatik joandako hizlariek hartuko dute hitza. Altsasukoek euren kasuaz eta terrorismo delituaren erabilera estentsiboaz hitzaldia eskainiko dute.
Albiste hau Guaixek argitaratu du eta CC-by-sa lizentziari esker ekarri dugu ARGIAra.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
