Altsasuko gazteei guztira 79 urteko espetxe zigorra ezarri diete bi guardia zibilekin izandako liskarragatik
“Kalteak, desordena publikoa eta mehatxuak” eta “agintearen aurkako atentatu” delituak leporatu dizkie Espainiako Auzitegi Nazionalak zortzi gazteei.
"Delitu terrorista" salaketa baztertu egin du epaimahaiak, ez delako argi geratu ekintzaren "xede terrorista" ezta bertan parte hartu zutenek "erakunde terroristekin" zeukaten lotura. Bestalde, "nagusitasun abusu eta gorroto" larrigarriak ezarri dizkiete, gertakariak "arrazoi ideologikoengatik eta Guardia Zibilarenganako gorrotoagatik" eman zirela argudiatuz.
Epaimahaiak “kalteak, desordena publikoa eta mehatxuak” delituengatik jarri daitezkeen zigor handienak jarri ditu. 13 urteko kartzela zigorra ezarri die Oihan Arnanz eta Iñaki Abadi, eta 12 urtekoa Jokin Unamuno eta Adur Ramírez de Aldari. Jon Ander Cob, Julen Goikoetxea eta Aratz Urrizolari 9 urteko zigorrak, eta Ainara Urkijori 2 urteko zigorra.
“Zirikatze ekintzei” Unamunok hasiera eman ziela dio sententziak, Oihan Arnanz eta Jon Ander Cobek honi jarraitu ziotela argudiatuz. Ainara Urkijori ezik, gainontzeko akusatuei autoritatearen kontra atentatzea eta lesioak eragitea leporatzen diete. Abad eta Arnanzi, bestalde, “desordena publikoak” eragitea ere leporatzen diete.
Kartzela zigorrak alde batera, lesioengatik 9.200 euro ordaindu beharko dizkiote tenienteari. Sarjentuari ostera, 3.700 euro ordaindu beharko dizkiote, eta bi hauen bikoteei 6.100 euro buruko. Are gehiago, teniente eta sanjentuaren bikotekideei, hurrenez hurren, 45.000 eta 25.000 euro ere ordaindu beharko dizkiete “ondorio eta kalte moralengatik”.
Apelazio helegiteak jartzeko 10 eguneko epe tartea egongo da.
Haserrea eragin duen kasua
2016ko urriaren 15ean, herriko feria eguneko goizaldeko 5:00etan herriko taberna batean kalez jantzitako bi guardia zibilen, beren bikoteen eta altsasuar talde baten arteko liskarraren ondorioz, agenteetako batek txorkatila lesionatuta amaitu zuen alde batean, eta zazpi gaztek espetxeratuta beste aldean. Hamar eta hamabost urte arteko kartzela zigorra eskatzen zieten bakoitzari.
Kasuak haserre handia eragin zuen eta atxilotuen senide eta lagunek mugituta, kanpaina etengabea egin dute justizia eske. Altsasun 20.000 lagun bildu zituzten atxiloketak gertatu eta gutxira. Herriz herri beren aldarrikapenen inguruan atxikimenduak biltzen pasa ostean urte eta erdi, apirilaren 14an, 50.000 lagunetik gorak Iruñea erdialdea kolapsatu zuten “ez da terrorismoa, justizia” lelopean.
Kasuak oihartzun mediatiko handia lortu du, eta besteren artean The Guardian, Al Jazeera eta New York Times-ek idatzi izan dute kasuaz.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
