Altsasuko auzia eten dute “terrorismo delitu” gisa epaituko duten ebatzi arte
Espainiako Auzitegi Gorena ikertzen ari da ea nori dagokion epaitzea Altsasuko gertakariak, Auzitegi Nazionalari ala Nafarroakoari, eta erabaki hori ezagutu arte auzia eten du Auzitegi Nazionalak. Bitartean kartzelan jarraituko dute Adur Ramirez de Alda, Jokin Unamuno eta Oihan Arnanzek.
Urriaren 15eko gertakarien ostean Nafarroako Auzitegiak “terrorismo” zantzuak zeudela ondorioztatu zuen, eta Auzitegi Nazionalera bidali zuen auzia. Inputatuek erabaki horri helegitea jarri zioten, eta Nafarroako Auzitegiak arrazoia eman zien: orduko hartan ez zuen “terrorismorik” ikusi gertakarietan, ez baitzen egon “delitu larririk” ez eta “ordena konstituzionala iraultzeko edo instituzio politikoen funtzionamendua ezabatzeko eta ezegonkortzeko asmorik”.
Kasua nork ebatzi behar duen erabakitzeko ardura Auzitegi Gorenera bidali zuen Nafarroako Auzitegiak. Erabaki hori hartu bitartean prozedura etetea eskatu zuen inputatuen defentsak, eta hasiera batean horri uko egin bazion ere, oraingoan etetea onartu du Auzitegi Nazionalak. Gazteak askatzeko ere eskatu zuen defentsak, baina eskaera horri uko egin dio auzitegiak.
Iazko urritik, Altsasuko gazteak bi guardia zibilekin liskar bat eduki zutenetik, espetxean daude auzian inputatutakoen artean hiru lagun: Adur Ramirez de Alda, Jokin Unamuno eta Oihan Arnanz.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
