Ctxt hedabideko Cristina Fallarás kazetariak Concepción García Espejelek Billy el Niño torturatzailearekin izan dituen harremanak azaldu ditu. Altsasuko gazteen epaiketa zuzentzen duen Espainiako Auzitegi Nazionaleko Epaimahai Penalaren presidentea da Espejel. Artikuluaren laburpena ekarri dugu ARGIAra.
2013ko irailaren 18an, María Servini de Cubría epaile argentinarrak lau torturatzaile frankista atxilotzeko agindua eman zuen, tartean Antonio González Pacheco —Billy el Niño—. Concepción Espejel Auzitegi Nazionaleko tribunalaren presidentea zen garai hartan, eta esan zuen atxiloketa aginduak zuten laurek ez zutela “zehazki” torturatu, eta deliturik egotekotan, hauek jada preskribatu zirela.
Justiziarengandik ihesi zebilen Billy en Niñoren argazkiak erakustea debekatu zien komunikabideei. Espejelek zuzendutako epaimahaiak esan zuen Billy el Niñoren eskubideen artean “norberaren irudirako eskubidea” zegoela, “bere segurtasuna bermatzeko beharrezkoa”.
2014ko apirilaren 30ean, Billy el Niño “gizateriaren aurkako krimenengatik” epaitzeko Argentinarako estradizioa baimendu edo ez erabaki behar zuen Espejelek. Epaimahai penaleko presidenteak estradizioa ukatu zuen, “Espainiako legediaren arabera delituek preskribatu egin zutelako”.
Gainera, autoan idatzi zuen: “Tortura delitu guztiak ez dira, halabeharrez, gizateriaren aurkako delituak. Izan ere, gisa horretako delituak eskatzen dute ‘gizarte zibilaren aurkako eraso orokor eta sistematikoak burutzea’, eta kasuotan ez da hori gertazen”.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.