Altsasuko alkatea mehatxatzeagatik 8 hilabeteko zigorra
Iruñeko Zigor-arloko 1. Epaitegiak Valladolideko A.C.G.-ri 8 hilabeteko espetxe zigorra ezarri dio. Gizon horrek Javier Ollo Martinez "beldurtu nahian", alkatea iraindu eta heriotza mehatxua egiten zion e-posta mezua bidali zion 2016ko lastailaren 15ean, ferietako liskarraren ondoren.
Ferietako liskarraren ondoren jaso zuen Altsasuko alkateak udalaren webgunearen bidez mehatxu mezua.
Ollok mezua jaso eta gero Foruzaingoan salaketa ezarri zuen. Auzipetutako gizonak instrukzio epailearen aurrean onartu egin zuen mezua bidali zuela. Epaian jaso denez, auzipetuak "damu apur bat" adierazi zuen.
Albiste hau Guaixe astekariak argitaratu du eta Creative Commons lizentziari esker ekarri dugu.