Alokairuen prezioek gora egin dute Donostian beste urte batez, aurten %3,4
Etxebizitzen prezioen gorakadak ez du etenik Donostian: hirugarren urtez jarraian igo egin da alokairua Gipuzkoako hiriburuan. Egun, 14,1 euroan dago metro koadroa, iaz baino %3,5 altuagoa. Adibidez, 80 metro koadroko etxe batengatik 1.128 euro ordaindu behar dira hilean. 1.269 euro 90 metro koadroko etxebizitza batez ari bagara. Bilborekin edo Gasteizekin alderatuz gero, prezioen igoera nabarmena da.
Irutxuloko Hitzak jaso duenez, idealista.com atariak Espainiako Estatuko hiriburuetako etxebizitzen prezioen bilakaerak argitaratu ditu. 2017 hasieran Donostiako etxebizitzen prezioek behera egin bazuten ere, uda iritsi bezain laster goranzko norabidea hartu zuten prezioek. EH Bilduk ohar bat atera du, egoeraren aurrean kezka agertuz, eta egungo prezioak jende arruntarentzat “eskuraezinak” direla berretsi du. “Prezio horiek eragin zuzena dute donostiarren bizi kalitatean”.
Nabarmen aldatzen da alokairuen prezioa Hego Euskal Herriko hiriburuetan elkarren artean alderatuz gero: EH Bilduren oharrean zehazten denez, “donostiar batek bilbotar batek baino 243 euro gehiago ordaindu behar ditu hilero etxebizitza alokatzeko (11,4 €/m²), eta gasteiztar batek baino 477 euro gehiago ( 8,8€/m²)”.
Datuok sakonago aztertuta, uda sasoia iristearekin batera etxebizitzen prezioek gora egiten dutela argi geratzen da. EH Bilduren iritziz, “lotura zuzena” dago alokairu garestien eta turismo masiboaren artean. Datuok herritarrengan “izugarrizko eragina” dutela nabarmendu du alderdi politikoak.
Alokairuen gorakadari muga ezarri nahi dio EH Bilduk eta hainbat proposamen aurkeztu ditu etxebizitzen prezioa “normaltasunera” itzul dadin: besteak beste, legez kanpoko pisu turistikoak ohiko jardunera itzultzea eskatzen du. Hau da, noizbehinkako etxebizitza izatetik, urte osoan eskuragarri egongo liratekeen etxebizitzak izatearen onura azpimarratzen du. Iazko irailean udalbatzan onartu zen proposamena da eta Eusko Legebiltzarrean ere gehiengoaren babesa izan zuen; betetzea baino ez da falta.
Bestalde, etxebizitzen arloko programa berri baten beharra ere ikusten du oposizioko taldeak. Hala nola, alokairua ordaintzeko zailtasunak dituen orori laguntza modura eskainiko litzaiokeen diru laguntzen poltsa bat sortzea. Eneko Goiaren udal taldeak erabat baztertu zuen egitasmoa eta ez zuen urte berriko aurrekontuen baitan sartu. Hala ere, herritarren ongizaterako “neurri erabilgarria eta garrantzitsua” dela nabarmendu du EH Bilduk. Honekin lotuta eta udalaren eskumenetatik kanpo egon arren, Hiri Errentamenduren Legea aldatzea ere “ezinbestekotzat” jotzen du, alokairuko etxebizitzen prezioei muga jarri eta hiriko egoera ekonomikoa egonkortzeko.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.