Algortako hamasei lagun zigortu dituzte Guardia Zibilaren aurka manifestatzeagatik
Isuna ezarri diete 'Alde Hemendik!' eguneko mobilizazioan parte hartzeagatik. Salatu dute zigorra 'mozal legeari' lotuta dagoela, eta adierazpen askatasuna errespetatzea exijitu dute.
2015eko urriaren 10ean Alde Hemendik! eguna ospatu zuten Algortatik Hanka indar okupatzaileen aurkako mugimenduaren ekimenez. Egitarauaren baitan, manifestazio jendetsua egin zuten, eta bertan parte hartu zuten hamasei kideri isuna ezarri diete "segurtasun indarren kontrako errespetu falta" leporatuta. Mugimenduak salatu du Poliziak zigorra mozal legeari esker tramitatu duela: Guardia Zibilak jarri du salaketa, eta Ertzaintzak kudeatu du bide administratibotik.
"Nola da posible legezko manifestazio batean parte hartzeagatik hamasei pertsonek isuna jasotzea? Nola da posible Poliziak akusazio eta epaile gisa jokatzea?", galdegin diete Euskal Herrian "bake egoeran" bizi direla esaten dutenei. Uste dute jendarteko sektore baten aurkako errepresioa desagertzetik urrun, "areagotu eta findu" egin dutela: "Euskal Herrian ohituegiak gaude errepresio molde horietara, baina mozal legearekin jardunbide hori egonkortu eta legeztatu egin dute".
Bestetik, kezka azaldu dute pertsona horiek identifikatzeko sistemaren inguruan. Guardia Zibilak grabatutako bideo baten bidez identifikatu dituzte hamaseiak, egunean bertan ez baitzuen identifikazio presentzial eta fisikorik egin. "Alerta pizten digu kontrol sozialerako dituzten fitxategi eta baliabideen inguruan", adierazi dute, "Zein fitxategi mota dauka Guardia Zibilak identifikazio hauek egin ahal izateko?".
Adierazpen askatasunaren aurkako eraso gisa ulertzen dute zigorra, eta jakinarazi dute are ozenago jarraituko dutela oihu egiten indar okupatzaileek Euskal Herrian ez dutela lekurik.
Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
Joseba eta Eñaut Alvarez aita-semeak zigortu dituzte San Sebastian egunaren bezperan Plaza Berrian Udaltzaingoarekin izandako talkarengatik. Bakoitzari 750 euroko zigorra ezarri diete, eta ostegunean epaitegian deklaratu dute.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.