Erreharria Libre plataformak jakinarazi du Basauriko espetxetik atera dutela beste espetxe batera eramateko.
Hala Bedik jakinarazi duenez, Gasteizko Zaballako espetxera eraman dute ondoren Zaragozara bidaltzeko asmoarekin.
Azaroan ezarri zioten urtebeteko kartzela zigorra Alfredo Remirezi (@erreharria). 2009an Amurrioko jaien txupinazoan sakabanaketa politika salatzeko preso baten panpina ateratzeagatik zigortu zuten aurrena eta ondoren 2015eko maiatzean “Armiarma operazioaren” hirugarren fasean atxilotu zuten sare sozialetan idazteagatik.