PSren egoitza okupatzen jarraitzen dute Seaskako kideek
Seaskako 30 guraso eta irakaslek Baionako Alderdi Sozialistaren (PS) egoitzan igaro dute gaua, bigarrenez. Ostegun arratsaldean okupatu zuten eraikina, ikastolen finantzazioaren aferari irtenbidea bilatzeko. Adierazi dutenez, ez dira irtengo Holland presidentearekin edo Peillon hezkuntza ministroarekin hitzordu bat lortu arte. 12:30tan elkarretaratzea egingo dute egoitzaren parean.
Hur Gorostiaga Seaskako zuzendariaren ustetan, PSk bi aukera ditu: “Konponbide bat lortu edo egoera gehiago okertu salaketa jarri eta polizia bidalita. Lehen bidea lortuko dugula espero dugu”. Eraikina uzten ez badute salaketa jarriko dutela adierazi du Patrice Laurent PSko kideak.
Sylviane Alaux diputatu sozialistak adierazi duenez, Hezkuntza Ministerioarekin harremanetan jartzen saiatzen ari da. Collete Capdeville sozialista baionarra ere Peillon ministroarekin hitzordu bat lortu nahian dabil, oraingoz arrakastarik gabe.
Alaux diputatuaren hitzetan, bidea "sobera maite" ez badu ere, ulergarria da Seaskakoek egin dutena. "Murgiltze sistema laikoarekin arazo bat izatea deitoratzen dugu, eskeintza hori ez baitugu publikoan ematen. Konponbide bat atzeman behar da Falloux legea murgiltze sistemei egokitua izan dadin".
Iparraldeko Hitzak bildutako adierazpenetan Gorostiagak esan duenez: “Hilabeteak daramatzagu konponbide baten bila prefetarekin eta suprefetarekin biltzen, eta beti konponbideren bat atzemanen dutela erraten digute, sekula atzeman gabe”.
Ikastolak kolokan
Ekainean Hendaiako ikastolaren eraikina herriko etxeak ordaintzea legez kanpokotzat jo zuen Patrick Dallennes Baionako suprefetak Falloux legea oinarri hartuta. Haren hitzetan egoitza pribatuak ezin dira diru publikoarekin finantzatu.
Ostegunean, Ahoan Bilorik Gabe emankizunean gaiaren inguruko galderak erantzun zituen suprefetak: "Ez dago konponbiderik. Bederen ez dago biderik erakunde publikoek eraikin publiko bat ordaintzea aipatzen bada. Ez Hendaian ez bertze ikastolen kasuan". Dallennesen arabera, Falloux legea alda liteke, baina hori "Parlamentuaren lana da".
Seaskako lehendakari Paxkal Indoren ustetan, suprefetak “irizpide zorrotz” hori bera baliatuko balu Seaskak etorkizun hurbilerako dituen ekimen gehienak bertan behera geratuko lirateke, murgiltze ereduaren jarraipena “arriskuan jarriz”.
Ekainaren 22an 3.000 lagunek manifestazioa egin zuten Baionan, suprefetaren erabakia gaitzetsi eta ikastolak babestuko dituen lege bat eskatzeko.
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]
7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]
Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.
Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.
Euskal hiztunen 1.062 kexa bildu ditu Hizkuntz eskubideen Behatokiak 2013ko txostenean. Nafarroako herritarrek egin dute salaketa gehien.
Falloux Legea aitzaki hartuta Frantziako Gobernuak Seaskako ikastolei jartzen ari zaizkien oztopoen testuinguruan, arnasaldi txiki bat ekarri du Pierre-André Durand Pirinio Atlantikoetako prefetaren iragarpenak: ez ei du kontrako neurririk hartuko Beskoitzeko ikastola... [+]
Seaska ez da ados suprefeta eta prefeta ematen ari diren urratsekin. Hendaiako eta Beskoitzeko ikastolen egoitza proiektuak oztopatzen ari dira, eta ziur daude aurki beste ikastola bat ataka berean izango dela.
Seaska eta Eskolim elkarteko presidente Paxkal Indok UNESCOren 37. konferentzia nagusian parte hartu du, Seaskako zuzendari Hur Gorostiaga eta Okzitanierazko Ikerketa Institutuko kide Alexis Quentinekin batera. Frantziak lurralde hizkuntzen irakaskuntza oztopatzen duela salatu... [+]
Paueko auzitegiak atzera bota du Seaskak Hendaian ikastola berria eraikitzeko hartua zuen erabakia. Falloux legean oinarritu da epailea, argudiatuz diru publikoa ezin dela erabili hezkuntza pribatuko eraikuntzak egiteko.
Parisetik atzera bota nahi dute Beskoitzeko Udalak ikastola berria eraikitzeko Seaskari egingo dion lurren lagapena. Beskoitzeko Herri Kontseiluak 520 metro koadroko zelaia herriko ikastolari uztea deliberatu zuen uztailaren 9an. Parisko Gobernuaren ordezkari den Patrick... [+]
Beskoitzen ikastola berria eraikitzen ari dira eta Kanboko Xalbador lizeoa berrituta aurkitu dute ikasleek. Eraikin berria egiteko baimenarekin arazoak dituzte ordea, eta ekonomikoki ere larri dabiltza.
Seaskako ordezkariak Frantziako Barne, Kultura eta Hezkuntza ministerioetako ordezkariekin bilduko dira gaur arratsaldean Parisen, ikastolen egoitzen arazoari konponbidea emateko asmoz.
Horra hor, Seaska ikastolaren garai bateko lema: Kasu ikastola kexu! Garai hura oraina da alabaina. Frantzia jakobinoak hamaika motibo eman(en) dizkigu kexu izateko. Hendaiako Gure ikastola izan da azken hilabeteotan kexaldi horren protagonista –eta aitzindaria–,... [+]