Larunbat gauean jakin zituzten Urrezko Egunsentiko kideek beraien kontrako karguak. Funtsean “erakunde kriminala” osatzea leporatzen die poliziak, atentatuak egitea eta hiltzea helburu duena.

Hedabide greziarrek diotenez, diputatu neonaziek uko egin diote poliziaren galderei erantzuteari eta egun batzuetako tartea eskatu dute inputazioak aztertzeko. Horregatik hasiko da prozesu judiziala asteartean.

Guztira alderdiko 32 lagun atxilotzeko agindua emana dago eta momentuz 20 poliziaren eskuetan daude.