Eusko Jaurlaritzako Hizkuntza Politikarako Sailburuordetzak euskal hedabideentzako diru-laguntza deialdiaren ebazpena argitaratu berri duen honetan, Lakuari bestelako politika eskatu dio sektorea ordezkatzen duen Hekimen elkarteak. Prentsa ohar baten bidez, “deialdi honek ez duela proiektu berrietarako tokirik uzten” salatu du Hekimenek, eta sektorearen garapenari traba egin diezaiokeela gaineratu du.
“Deialdia diseinatzeko orduan ez dira kontuan hartu Hekimenek luzatutako hainbat gomendio”, adierazi du elkarteak. 2014tik, irismena da Jaurlaritzak laguntza-poltsaren banaketa egiteko darabilen irizpide nagusia (puntuazio osoaren %75), eta aurretik zeudenek indarra galdu dute edo zuzenean baztertu egin dira, hala nola proiektuen finantzazio propioa eta dagoeneko kontuan hartzen ez den produktuen kalitatea.
Bestalde, banatzen den diru-poltsa 2012tik handitu ez dela gogorarazi du Hekimenek.
Hiru urterako deialdia, berrikuntzarako traba
Elkarteak kritikatu egin du, halaber, deialdia urte amaieran kaleratu izana, hots, berandu samar: “Horrek likidezia arazo larriak eragin dizkie hedabideei, eta ezegonkortasun handia sortu du hainbat enpresatan”. Azken deialdiak aurrekoen aldean duen beste berezitasun bat ere kaltegarritzat jo dute: urte bat baino gehiagorako izatea. 2016-2018 epealdirako, zehazki. Horrek galga ezartzen du proiektu berriak abiatzeko orduan, Hekimenen esanetan.
Egoera hori gainditzeko, Jaurlaritzari beste lankidetza esparru bat eskatu dio euskal hedabideen elkarteak. “Baldin eta hedabideak ezinbestekoak eta funtsezkoak badira hizkuntza baten biziberritzerako, eta euskal hedabideek denen artean osatzen badute, norbere esparruan, administrazioak ziurtatu beharko lukeen eskaintza, ondorioz funtzio publikoa betetzen dute”, azaldu du Hekimenek, eta euskarazko hedabide guztien ospea sustatzeko beharra aldarrikatu du. Hitz bitan, “aitortza eta babesa”.
“Administrazioan euskararen erabilera edo euskarazko irakaskuntza araututa daude. Gure hizkuntza normalizazio prozesuan hirugarren hankatzat hartu ohi den hedabideen esparruak, ordea, zer berme dauka, zein arau, zein oinarri legalik?”, galdetu du elkarteak. Gutxieneko egiturari eusteko laguntza sistema egokiaz eztabaidatzeko borondatea agertu du, “jende gehiagorengana iristeko, produktu erakargarriagoak eta eraginkorragoak egiteko eta egungo hegemoniak iraultzeko” helburuarekin beti ere.
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.