LAB: “Eusko Jaurlaritzaren aurrekontu hauek pobreziara kondenatuko dute emakume asko”
Eusko Jaurlaritzaren aurrekontuak emakumeen prekarietate egoerari aurre egiteko biderik ez dutela eskaintzen eta berdintasun politikak marjinalak direla baloratu du LABek.
EAEn langabezia-tasa %12,2koa da, langabezian dauden 71.061 emakume laguntzarik ez dute eta emakumeen soldata gizonezkoena baino %33 baxuagoa da. Aurrekontuak “ezinbesteko tresna” dira egoera horri aurre egiteko, Ainhoa Etxaide LABeko idazkari nagusiak eta Zaloa Ibeas Emakume Idazkaritzaren arduradunak azaldu dutenez, baina Iñigo Urkulluren Gobernuaren aurrekontuekin ez dela lortuko ziurtatu dute. Jaurlaritzak aurrekontuen %69 bideratu du gastu sozialetara eta 2009an %73,9 bideratu zuen.
LABek azpimarratu du aurrekontuetan ez dutela aurkitu emakumearen lan baldintza prekarioei aurre egitera bideratutako neurri zehatzik. Nabarmendu dute zaintza lanak egiteko eszedentzia eskaeren ia osotasuna emakumeek egiten dutela eta Eusko Jaurlaritzak diru laguntza batzuk baino ez dituela emango kontziliaziorako, partiden %0,29.
Indarkeria matxistaren aurkako neurriei dagokienez, salatu dute indarkeriaren prebentziorako aurrekontuen %0,0045 bideratuko dutela horretara. Horrez gain, azpimarratu dute berdintasun politikak “modu integralean” garatu ahal izateko berdintasun teknikariak beharrezkoak direla eta egun soilik 26 daudela.
Egoerari aurre egiteko lau proposamen egin ditu LABek Ainhoa Etxaideren ahotik: Lehena, 1.200 euroko oinarrizko soldata ezartzea, Diru Sarrerak Bermatzeko Errentaren murrizketak bertan behera uztea, 35 urteko lanordua ezartzea eta enplegu publikoa sortzea. Bigarrena, zaintza lana aitortzea eta hauei balio ekonomikoa ematea. Hirugarrena, Legebiltzarrak egin duen indarkeria matxistaren aurkako lege berria mugimendu feministarekin batera lantzea. Eta azkena, berdintasuneko teknikari kopurua handitzea, esparru guztietan daudela ziurtatzeko.
Aurrera begira lanean jarraituko dutela ziurtatu du Etxaidek, "aurrekontuak feministak izatea lortu arte".
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.