2015. urteko merezimenduzko Argia Saria Aiaraldea komunikazio proiektuari eman diogu.
Komunitatearen borondatetik sortua, webgune batetik abiatu eta zabaltzea lortu du Aiaraldea Komunikazio Leihoak 2010etik hona. Profesional eta boluntarioen lana uztartu eta egun, irratia, papereko hamaboskaria eta mugikorretarako aplikazioa ere baditu, baita inoiz bazterrean utzi ez duen komunitateari begirako proiektuak ere.
Iaz abiatutako Aiaraldea Herri Elkargoari forma ematea da horietako bat. “Ez da bakarrik komunikabideak sustatzeko zerbait baizik eta euskarazko komunikazio jarduna eta komunitatea eraikitzeko elkargune bat”, azaldu du Gartzen Garaiok.
Inguruarekiko harreman estu hori komunikazio egitasmoaren izaeran ere nabari da, izan ere, “Aiaraldea eskualde politikoan bost herri bakarrik daude: Laudio, Amurrio, Aiara, Artziniega eta Okondo. Errealitate horrek ez dio erantzuten errealitate soziologikori eta guk Bizkaiko beste lau herri ere sartzen ditugu gure proiektuan: Urduña, Orozko, Arrankudiaga-Zollo eta Arakaldo”
Epaimahaiaren arrazoiak:
Eskualdea txikia da, omendu nahi dugun proiektuko kideak berriz, erraldoiak eta kabitzeko komeriak.
Hasi ziren webgune batekin eta berehala erakutsi zuten teknologia lagun, zenbat gauza egin ditzaketen komunikazio esparruan eragin nahi dutenek.
Eskualdea txikia da eta urte gutxian biztanleriaren erdia euskalduntzea lortu du, baina ez zegoen egunekoaren berri euskaraz emango zuen inor, proiektu hau agertu zen arte. Hutsunea bete dute beraz.
Hori bakarrik? Ez! Bost urte eskasean paperezko edizioa ere argitaratu dute eta eskualdearen erreferente informatibo bihurtu dira.
Eta argi, ze, hasi besterik ez dira egin. Komunitatean eta balore eraldatzaileetan errotua emaitzetan eta filosofian berritzailea irakurtzekoa, ikustekoa, entzutekoa. Aurten ARGIAk Merezimenduzko Saria eman nahi dio, Aiaraldea komunikazio leihoari.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]