"Gaurko egunean AHTn urtero ehundaka milioi euro xahutzen diren bitartean herritarren gehiengoa lehentasunezko eskubide sozialetan, osasunean, hezkuntzan edo zerbitzu sozialetan murrizketa latzak pairatzen ari da", diote plataformako kideek. "AHT jendartearen begietara ustelkeriaren sinbolo nagusienetakoa bihurtu da Barcenas-en papera famatuetan ikusi ahal izan dugun bezala, non eraikuntza enpresa haundiek PP ordainsari kopuru haundiak ematen zizkioten makro-azpiegitura honen eraikitzeak suposatzen duen pastelarekin aberasten jarraitzeko".

"AHTren egitasmoa porrot egiten ari dela berresten dugu. Hainbat gobernu eta administraziok AHTren eraikuntza lanek aurrekontuen izugarrizko xahuketa ekartzen ari direla inplizitoki onartu dute. Hala ere, ehundaka milioi euro bideratzen jarraitzen dute proiektua atzeraezina dela irudikatu asmoz".

Nafarroari dagokionez, AHTren proiektua "aspaldian izan den erridikulorik eta absurdorik nagusienetakoa bihurtzeko bidean dela" salatu du plataformak. Horren erakusgarri da, besteak beste, Madrilgo Justizia Auzitegiak Nafarroako AHTren "irregulartasunak" azaleratu izana.