AHTko lanetan zazpigarren langilea hil da
Langilea, makineria garraiatzen ari zela zulagailu batek harrapatu ostean hil zen atzo. Euskal Trenbide Sareak (ETS) jakinarazi duenez, Bergara eta Antzuola bitartean gertatu zen istripua 15:30ak aldera.
44 urteko gizonezkoa da, J.M.C; ETSk azpikontratatuta zeukan Cimentaciones Singulares enpresako langilea zen. ETSk ikerketa bat hasiko duela adierazi du ezbeharraren nondik norakoak argitzeko.
EH Bildu eta Mugitu AHTaren aurkako mugimenduak ezbeharra kritikatu dute. Bestalde, Gipuzkoako Foru Aldundiak, ohar baten bidez elkartasuna adierazi die senitarteko, lagun zein lankideei. Argi utzi du, “lan osasunari lehentasuna emango dion eredu baten alde” egingo duela lan, “eta lan segurtasun eta osasunaren aurkako delituei aurre egiteko neurriak” bultzatuko dituela.
Bestetik Mugituren arabera, Eusko Jaurlaritza, AHTko lanetan izaten diren lan baldintza kaskarren eta esplotazioaren inguruan ez ikusiarena egiten ari da.
ELAk eraikuntzako lan hitzarmena urratzea leporatu dio ETSri. Beraien ustez, lan jardunaldiak “neurrigabeak eta legez kanpokoak” dira.
Guztira, AHTren obretan hiltzen den zazpigarren langilea da. Mugitu mugimenduak ostiralerako mobilizazioak deitu ditu. Martxa bat antolatu dute goizeko 11tan, Donostiako Boulebarretik Miramar jauregira, AHTren dirua gastu sozialentzat. Lurra da etorkizuna lelopean, bertan egingo baitu Eusko Jaurlaritzak urteko lehen gobernu kontseilua.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]