AHTren obrak gelditzeko eskatu diote Nafarroako “aldaketaren gobernuari”
Nafarroako AHTren eta Etxabakoitzeko urbanizazioaren proiektuak gelditzeko eskatu dio Sustrai Erakuntza ingurumenaren aldeko fundazioak Nafarroako Gobernu berriari.
Aurreko gobernuak, Iruñea, Zizur eta Zizur Zendeako udalekin batera, bizitegi-gune berria eraikitzeko plana aktibatu zuen Etxabakoitz auzoan. Bizitegi-gunea AHTren Iruñeko geltokia aurrikusten den tokian eraiki nahi dute. Sustrai Erakuntzak salatu du “proiektu espekulatibo” berri horrek zentzurik ez duela, etxebizitza gehiagoren beharrik ez dagoelako.
Fundazioak adierazi du egitasmo guzti hori AHTren proiektuaren bueltan asmatu dutela, eta instituzioen zor publikoa nabarmenki handituko duen “diru xahuketa” izugarria dela.
Sustrai Erakuntzak jakitera eman du Berraztertzeko Helegitea aurkeztu diola Nafarroako Gobernuaren planari. Gobernu berriari helduleku administratibo bat eman nahi diote modu honetan, “operazio espekulatibo” hau geldiarazi dezaten. “UPNren gobernuak proiektuaren tramitazioa beharrezko esposizioa egin eta informazio publikora atera gabe jarri du abian, herritarren eta mugimendu politikoen oposizioa ekiditeko”.
Aldaketaren gobernuan posizionamendu garbirik ez
Legealdi berrirako akordio programatikoak adostu dituzte dagoeneko Geroa Bai, EH Bildu, Podemos-Ahal Dugu eta eta Izquierda-Ezkerrak. Sustrai Erakuntzatik adierazi dutenez, akordioaren testuan “azpiegituren inguruko gestioan haize berriak” nabaritu badaitezke ere, ez da AHTren inguruan posizionamendu garbirik egiten.
Aldaketaren gobernu berriari eskatu diote gauzak garbi adierazteko, eta horrela izan ezean, gobernuaren “zehaztapen faltaren” aurrean lanean jarraituko dutela diote, ingurugiroaren defentsan eta bestelako eredu sozialaren alde.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]