Ahotsa.infok egindako ‘En Tierra Hostil’ saioaren parodiek sarea harrotu dute
Martxoaren 18an Espainiako Antena3 telebista kateak En Tierra Hostil programan Venezuelaren inguruko saio berezia egin zuen. Ez da ordea Espainiar Estatuan Venezuelaren inguruan egin den saio bakarra. Azken hilabeteetan ugaritu egin dira, elkarrizketatu eta egileen arabera Venezuelak egun bizi duen “egoera tamalgarria agerian utzi” duten saioak.
Horren aurrean, Ahötsa.info atari digitalak En Tierra Hostil saioaren parodia bat egin du, zeresan handia eman duena. Orain arte soilik bi saio sareratu badituzte ere izugarrizko arrakasta izan dute sarean. Lehenengo bideoak 60.000 ikustalditik gora dituen bitartean, apirilaren 1ean sareratu zuten bigarren atalak dagoeneko 25.000 ikustalditik gora ditu.
Venezuelako telebista publikoko El Desayuno saioan Ahötsako kideek egindako parodia agertu ondoren, sarea bor-borka dago. Nazioarteko eskuineko hedabide, atari digital eta blogek “Venezuelaren kontraerasoaz” mintzo dira, Ahötsaren ekoizpena bada ere.
Iruñeko UPN alderdiaren udal taldeak komunikatua atera du bideoetan ageri den informazioa eta irudiak gezur hutsa direla azaltzeko: “Dokumentalak Iruñeko karriketan bizi den egoerarekin zerikusirik ez duen ikuspegi bat ematen du”. “Oso larriak eta onartezinak dira Bilduk Iruñeaz hitz egiteko erabiltzen dituen akusazioak”, gaineratu dute.
Antena3ko saioaren parodiaren harira etengabeko erasoak jaso ditu proiektu komunikatibo nafarrak. Horren aurrean, Euskal Herriko zein nazioarteko txiolariak #JeSuisMajarisDeLaSorna traola trending topic izatea lortu dute.
2013ko irailean Audientzi Nazionalak Ateak Ireki webgunea ixteko agindua eman ostean proiektu komunikatibo berri bat sortu nahi zuten lagun talde bat batu zen. Crowfounding kanpaina bat martxan jarri ostean, 2014ko otsailaren 22an argia ikusi zuen Ahötsak.
Hona hemen orain arte Ahötsako lagunek egindako bi saioak eta Venezuelako telebista kate publikoan egindako elkarrizketa.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
Joseba eta Eñaut Alvarez aita-semeak zigortu dituzte San Sebastian egunaren bezperan Plaza Berrian Udaltzaingoarekin izandako talkarengatik. Bakoitzari 750 euroko zigorra ezarri diete, eta ostegunean epaitegian deklaratu dute.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Iazko urrian, pertsona bat kanporatu zuten Bilboko futbol zelaitik, Donetskeko bandera eramateagatik; elkartasunez, San Mamesetik alde egin zuten hainbat lagunek. Orain, hainbati jakinarazi diete 3.000 euroko isunak ezarri dizkietela, baita urtebetez kirol guneetara sartzeko... [+]